कोभिडका बेला ल्याम्बोर्गिनीको नाफा ह्वात्तै बढ्यो
लन्डन ।
विलासी कार ब्रान्ड ल्याम्बोर्गिनीको मुनाफा कोरोना महामारीका बेला पनि ह्वात्तै बढेको छ । सन् २०२०मा कोरोनाले कम्पनीको इटालीको कारखानाा दुई महिना बन्द भएको थियो । पछिल्लो नतिजादेखि आश्चर्यमा परेको कम्पनीका प्रमुख कार्यकारी स्टेफान विन्कलम्यानले बताए । अघिल्लो वर्षको तुलनामा बिक्रीमा भने केही कमी आएको छ ।
यसका बाबजुद कम्पनीले धेरै महंगा र ग्राहकको रुचिअनुसारका सुपरकार बिक्री गर्दा नाफा उच्च हुनपुगेको हो । चीनमा कम्पनीका कारको उच्च माग भएको थियो । यो वर्ष चीनले जर्मनीलाई पनि उछिन्ने देखिएको कम्पनीले बताएको छ ।
ल्याम्बोर्गिनीको नयाँ युरुस नामको स्पोट्र्स युटिलिटी भेहिकल (एसयूभी) अत्यधिक लोकप्रिय छ । यो कारले मात्रै गत वर्ष विश्ववभर भएको बिक्रीको ५९ प्रतिशत हिस्सा ओगटेको बतााइएको छ । चिनियाँ कार किन्ने ग्राहकले अत्यन्त विलासी एसयूभीमा रोल्स रोयस, बेन्ट्ले र ल्याम्बोर्गिनीलाई रोजेका छन् । युरुसमा देखिएको आकर्षणकै कारण कम्पनी पुनः यही गाडीमा लगानी गर्नेबारे सोचिरहेको विन्कलम्यानले बताए ।
फक्सवागनकै स्वामित्व रहेको यो कम्पनीले सन् २०२० मा सात हजार चार सय ३० वटा कारहरु विश्वभर बिक्री गरेको थियो । सन् २०१९ मा कम्पनीले आठ हजार दुई सय ५० वटा कारहरु बिक्री गरेको थियो । तर कम्पनीले सीमित विशेष श्रेणीका कारहरु बिक्री गर्दा आय राम्रै बढोत्तरी भएको हो ।
विन्कलम्यानका अनुसार सन् २०२१ को सुरुवाती नौ महिनाको माग समेत कम्पनीले लिइसकेको छ । त्यसकारण पनि कम्पनीले यो वर्ष राम्रै आम्दानी गर्नेछ । यो वर्ष कम्पनीले सर्वाधिक बिक्री हुने देशमा दोस्रो स्थानको जर्मनीलाई चीनले उछिन्नसक्ने बताएको छ । कम्पनीले गत वर्ष चीनमा मात्रै दुई हजार दुई सय २४ वटा कार बिक्री गरेको बताएको छ ।
क्याटेगोरी : विश्व बजार
ताजा अपडेट
- ‘निजी क्षेत्रको मनोबल उकास्न सरकारले महत्वपूर्ण निर्णय गर्छ’
- दुग्ध विकास संस्थानद्वारा किसानलाई ४८ करोड भुक्तानी
- पहाडी भेगमा आंशिक बदली, बाँकी भागमा मौसम सफा रहने
- देशभर कक्षा १२ को परीक्षा शान्तिपूर्ण रूपमा हुँदै
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया