चीनकै धनी महिला बन्ने प्रतिस्पर्धामा पाँच अर्बपति
वेइजिङ ।
संसार फेरि कोरोना महामारीको दोस्रो वर्षमा प्रवेश गर्दै गर्दा विश्वका धनीहरुको सूचीमा पनि निकै फेरबदल आएको छ । यसको एउटा उदाहरण चीन हो जहाँ अमेरिकामा भन्दा धेरै अर्बपतिहरु रहेका छन् । त्यतिमात्र होइन आफ्नै बलबुतामा अर्बपति भएका महिलाहरुको संख्या पनि चीनमा धेरै छ । हुरुन रिसर्च इन्स्टिच्युटले गरेको एक अध्ययनअनुसार चीनमा ८५ जना महिला अर्बपति रहेका छन् । तीमध्ये आफ्नै हिसाबले अर्बपति बनेका पाँच महिला भने अहिले चीनकै ठूलो धनी महिला बन्ने दौडमा छन् ।
को–को ? ती पाँचमध्ये यांग हुइयान एक हुन् । उनीसँग ३४ अर्ब अमेरिकी डलरबराबर सम्पत्ति छ । उनी चिनियाँ रियलस्टेट कम्पनी कन्ट्री गार्डेनकी उपप्रमुख हुन् । अहिले उनी नै चीनकी सर्वाधिक धनी महिला अर्बपति हुन् । यसअघि पनि उनले यो स्थान लिइसकेकी छिन् । सन्. २००७ मा उनी चीनकै धनी महिला अर्बपति बनेकी थिइन् । कम्पनीको ७० प्रतिशत सेयर उनका बुबाले उनको नाममा गरेपछि उनले यो स्थान लिएकी थिइन् ।
त्यस्तै अर्की महिला हुन् झोंग हुइजुआन । उनी हान्सो फर्मास्युटिकल ग्रुपकी प्रमुख हुन् । ६० वर्षीया झोंगसँग १८ अर्ब डलरबराबर सम्पत्ति रहेको अनुमान गरिन्छ । उनी व्यवसायमा आउनुअघि रसायनशास्त्रकी शिक्षिका थिइन् । ३४ वर्षको उमेरमा उनले १० जना कर्मचारीसहित कम्पनी स्थापना गरेकी थिइन् । कम्पनी विस्तारै हुर्किँदै जाँदा सन् २०१९ मा हङकङ स्टक एक्सचेन्जमा सूचीकृत भयो । सूचीकृत हुँदा कम्पनीको मूल्यांकन १० अर्ब अमेरिकी डलर थियो ।
यी दुईबाहेक चिनियाँ धनी महिला बन्ने दौडमा रहेकी छिन् फान होंगवेई । ५४ वर्षीया फान हेंग्ली पेट्रोकेमिकलकी महाप्रबन्धक र प्रमुख हुन् । उनीसँग १५ अर्ब ३० करोड डलरबराबर सम्पत्ति रहेको छ । फान र उनको श्रीमानले असफल भइसकेको टेक्सटाइल कारखानालाई पुनर्जीवन दिएका थिए ।
त्यो कम्पनी उनीहरुले पाँच लाख डलरमा खरिद गरेका थिए । त्यो पनि ऋणमा । पछि यो कम्पनी चीनमा ठूलो फाइबर उत्पादक बन्न सफल भयो । अहिले हेंग्ली पेट्रोकेमिकलका रुपमा यो कम्पनी चिनिन्छ । गत वर्ष चर्चित म्यागजिन फोब्र्सले चीनका उच्च ५० प्रमुख कार्यकारीको सूचमा फानलाई पनि समावेश गरेको थियो ।
यसबाहेक अर्की महिला अर्बपति हुन् वु याजुन । उनी हङकङमा सूचीकृत लंगफर प्रोपर्टिजकी सहसंस्थापक तथा प्रमुख हुन् । ५७ वर्षीया उनीसँग १८ अर्ब २० करोड डलर सम्पत्ति रहेको छ । उनले इन्जिनियरिङमा स्नातक मात्रै गरेकी छिन् । उनले चाइना शिरोङ न्युज एजेन्सीमा पत्रकारिता गर्नुका साथै एक कारखानामा प्राविधिकको काम समेत गरेकी थिइन् ।
त्यस्तै, चीनकै धनी महिला बन्ने दौडमा पाँचौँ स्थानमा छिन् झोउ क्विनफेई । उनी लेन्स टेक्नोलोजीकी प्रमुख हुन् । ५१ वर्षीया उनीसँग १२ अर्ब ५० करोड अमेरिकी डलरबराबर सम्पत्ति रहेको छ । एप्पल, सामसङ र हुवावे जस्ता चर्चित कम्पनीहरु उनका ग्राहक हुन् । झोउले २२ वर्षकै उमेरमा कम्पनी सुरु गरेकी थिइन् । सन् २००१ मा टीसीएल कर्पोरसनसँगको सम्झौतासँगै कम्पनी निकै नाफामा गएको थियो । त्यसयता कम्पनीलाई सफल बनाउन उनले दिलोज्यान दिएकी छिन् । एससीएमपीबाट
क्याटेगोरी : विश्व बजार
ताजा अपडेट
- ‘निजी क्षेत्रको मनोबल उकास्न सरकारले महत्वपूर्ण निर्णय गर्छ’
- दुग्ध विकास संस्थानद्वारा किसानलाई ४८ करोड भुक्तानी
- पहाडी भेगमा आंशिक बदली, बाँकी भागमा मौसम सफा रहने
- देशभर कक्षा १२ को परीक्षा शान्तिपूर्ण रूपमा हुँदै
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया