अमेजनले साढे आठ अर्ब डलरमा किन्यो हलिउड स्टुडियो एमजीएम
अमेरिका ।
अमेजन कम्पनीले ऐतिहासिक एमजीएम स्टुडियो झण्डै साढे आठ अर्ब डलरमा खरिद गर्ने भएको छ । एमजीएम हलिउडको अत्यन्त चर्चित स्टुडियो हो ।
यसले ‘सम लाइक इट हट’ र ‘सिंगिङ इन द रेन’ लगायत स्थापित र लोकप्रिय फिल्महरु उत्पादन गरेको थियो । यो बिक्रीसँगै प्रविधि कम्पनी अमेजनको मुख्य प्रसारण सेवाले विषयवस्तुको ठूलो भण्डारणको पहुँच पाएको छ ।
अमेजनका एक जना कार्यकारीले बुधबार उच्चस्तरीय कथा पस्किने अवसर यसबाट मिलेको बताएका छन् । प्राइम भिडियो र अमेजन स्टुडियोका वरिष्ठ उपाध्यक्षा माइक हप्किन्सले यो खरिदबिक्रीले एमजीएमको विज्ञ टोलीसँगै यसलाई पुनर्कल्पना र विकास गर्ने र यो सम्झौता बौद्धिक सम्पत्तिको भण्डार भएको टिप्पणी गरेको बीबीसीले जनाएको छ ।
यो सम्झौताले अमेजन प्राइम भिडियोबाट चार हजार फिल्म प्रसारण गर्ने क्षमता बढ्नेछ । ती फिल्ममा जेम्ब बन्ड फ्रेन्चाइज र लिगल्ली ब्लोन्डेलगायत पर्छन् भने १७ हजार टेलिभिजन शोहरु पनि यसबाट प्रसारण हुनेछन् । एमजीएम स्टुडियोको मातृकम्पनी एमजीएम होल्डिंग्सले यसलाई सन् २०२० यता बेच्नको लागि ग्राहक खोजिरहेको थियो ।
अमेजनले एक वक्तव्यमा एमजीएमलाई यसले गरिरहेको कामलाई निरन्तरता दिने बताएको छ । एमजीएम सन् १९२४ मा स्थापना भएको थियो । यसका बाबजुद अमेजनले नेटफ्लिक्स, डिस्ने प्लस र एप्पल टिभीसँग प्रतिस्पर्धा गर्नुपर्नेछ । अमेजन र एमजीएमबीचको सम्झौता चर्चित टेलिकम कम्पनी एटीएन्डटीले वार्नर मिडिया ४३ अर्ब डलरमा किन्ने सम्झौता गरेलगत्तै भएको छ ।
क्याटेगोरी : विश्व बजार
ताजा अपडेट
- ‘निजी क्षेत्रको मनोबल उकास्न सरकारले महत्वपूर्ण निर्णय गर्छ’
- दुग्ध विकास संस्थानद्वारा किसानलाई ४८ करोड भुक्तानी
- पहाडी भेगमा आंशिक बदली, बाँकी भागमा मौसम सफा रहने
- देशभर कक्षा १२ को परीक्षा शान्तिपूर्ण रूपमा हुँदै
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया