Techie IT
×
गृहपृष्ठअन्तर्राष्ट्रियबेलायतमा विशाल विद्युतीय कार ब्याट्री कारखाना बनाउन छलफल गर्दै निसान

बेलायतमा विशाल विद्युतीय कार ब्याट्री कारखाना बनाउन छलफल गर्दै निसान


लन्डन ।
कार कम्पनी निसानले बेलायतमा विद्युतीय कारको ब्याट्रीसम्बन्धी विशाल कारखाना बनाउन गहन छलफल थालेको छ । बीबीसीका अनुसार जापानी कार कम्पनीले यसबारे केही नबताए पनि फाइनान्सियल टाइम्सले बेलायतमा गिगाफ्याक्ट्री निर्माण गर्ने तयारी थालेको समाचारमा जनाएको छ ।

कम्पनीले जापानबाहिर बेलायतलाई अब आफ्नो मुख्य इलेक्ट्रिक हब बनाउन चाहेको फाइनान्सियल टाइम्सले उल्लेख गरेको थियो । यता सरकारी अधिकारीहरुले पनि बीबीसीलाई छलफल चलिरहेको पुष्टि गरेको छ । तर निर्णय हुन भने अझै लामो समय लाग्ने स्रोतले जनाएको बीबीसीले उल्लेख गरेको छ । यही संसदीय सत्रमा गिगाफ्याक्ट्रीको कुरा निष्कर्षमा पु-याउन सरकार सकारात्मक रहेको बतााइएको छ ।

चर्चा चलेको कारखाना सन्डरल्यान्डमा हुनसक्ने फाइनान्सियल टाइम्सले उल्लेख गरेको छ । यसबाट दुई लाख ब्याट्री प्रतिवर्ष उत्पादन हुनेछ भने हजारौँ रोजगारी समेत सिर्जना हुनेछ । बेलायतमा अबको केही वर्षमा विद्युतीय कारको संख्या ह्वात्तै बढ्ने देखिएको छ । किन कि बेलायतले सन् २०३० सम्ममा पेट्रोल र डिजेलका सवारीसाधनको बिक्री बन्द गर्ने जनाएको छ । सन्डरल्यान्डमा कम्पनीको यसअघि नै प्लान्ट रहेको छ ।


क्याटेगोरी : अन्तर्राष्ट्रिय

तपाईको प्रतिक्रिया