मारुतीको बिक्री ५० प्रतिशतले बढ्यो, टाटाको ९२ प्रतिशतले वृद्धि
नयाँ दिल्ली । मारुती सुजुकी इन्डियाले जुलाई महिनामा एक लाख ६२ हजार चार सय ६२ वटा गाडी बिक्री गरेको छ । एकै महिनामा कम्पनीको बिक्री ५० प्रतिशतले बढेको हो । अघिल्लो वर्षको उही महिनामा कम्पनीले एक लाख आठ हजार ६४ वटा मात्रै सवारीसाधन बेचेको थियो ।
भारतमा मात्रै कम्पनीको बिक्री ३९ प्रतिशतले बढेर एक लाख ४१ हजार दुई सय ३८ वटा पुगेको छ । गत वर्ष भारतमा कम्पनीले एक लाख एक हजाार तीन सय सात वटा सवारीसाधन बिक्री गरेको थियो । कम्पनीले मिनी कार अल्टो र वागन आर १९ हजार छ सय ८५ वटाा बिक्री गरेको छ । अघिल्लो वर्ष अर्थात् २०२० मा यस्तो बिक्री १७ हजार दुई सय ५८ वटा रहेको थियो ।
कम्प्याक्ट सेग्मेन्टमा स्विफ्ट, सेलेरियो, इग्निस, बलेनो र डिजायसको बिक्री जुलाई महिनामा ७० हजार दुई सय ६८ वटा भएको छ । अघिल्लो वर्ष यस्तो बिक्री ५१ हजाार पाँच सय २९ वटा मात्रै रहेको थियो । कम्पनीले यो महिनामा मध्यम आकारका सेडान सियाज एक हजार चार सय ५० वटा बिक्री गरेको थियो । अघिल्लो वर्ष उसले एक हजार तीन सय तीनवटा मात्रै बेचेको थियो ।
कम्पनीको युटिलिटी सवारीसाधन भिटारा ब्रेजा, एस क्रस र आर्टिगाको बिक्री ३२ हजार दुई सय ७२ वटा रहेको छ । अघिल्लो वर्ष यस्तो बिक्री १९ हजार एक सय ७७ वटा मात्रै रहेको थियो । जुलाईमा कम्पनीले २१ हजार दुई सय २४ एकाइ बाहिर निर्यात गरेको छ । अघिल्लो वर्ष केवल छ हजार सात सय ५७ वटा मात्रै निर्यात गरेको थियो ।
टाटाको बिक्री ९२ प्रतिशतले बढ्यो : यता अर्को कम्पनी टाटा मोटर्सले जुलाई महिनामा भारतमा मात्रै ५१ हजार नौ सय ८१ युनिट बिक्री गरेको छ । यो भनेको ९२ प्रतिशत बढी हो । कम्पनीले गत वर्षको उही महिनामा २७ हजार २४ वटा मात्रै बिक्री गरेको थियो । टाटा मोटर्सको भारतीय बजारमा पेसेन्जर भेहिकल बिक्री ३० हजार एक सय ८५ युनिट पुगेको छ । एक वर्षअघि यस्तो बिक्री केवल १२ हजार १२ युनिट थियो । यो भनेको ८१ प्रतिशत बढी हो ।
एमजीको बिक्री दुई गुणा बढी, टोयोटाको १३ हजार युनिट : यसैबीच, जुलाई महिनामा एमजी मोटर इन्डियाको खुद्रा बिक्री दुई गुणाले बढेको छ । भारतीय सञ्चारमाध्यमका अनुसार उसले चार हजार दुई सय २५ वटा कार बिक्री गरेको हो । अघिल्लो वर्ष उसको बिक्री केवल दुई हजार एक सय पाँचवटा रहेको थियो ।
एमजी मोटरको जेटएस ईभीको लागि पछिल्लो महिनामा अहिलेसम्मकै धेरै बुकिङ प्राप्त भएको थियो । जुलाईमा कम्पनीले जेटएस ईभीको छ सयभन्दा धेरै युनिट बुक भएको जनाएको छ । यता टोयोटा किर्लोस्कर मोटर (टीकेएम) को जुलाई महिनामा भारतमा १३ हजार एक सय पाँच युनिट बिक्री भएको छ । इनोवा क्रिस्टा र फच्र्युनरजस्ता गाडी उत्पादन गर्ने यस कम्पनीले पछिल्लो वर्ष पाँच हजार तीन सय ८६ वटा मात्रै गाडी बिक्री गरेको थियो ।
हुन्डाईको ४६ प्रतिशतले बढ्यो : यता हुन्डाईको बिक्री जुलाई महिनामा ४६ प्रतिशतले बढेर ६० हजार दुई सय ४९ युनिट रहेको छ । कम्पनीले पछिल्लो वर्ष यही महिनामा ४१ हजार तीन सय मात्र युनिट बिक्री गरेको थियो । हुन्डाईको भारतीय बजारमा बिक्री ४६ प्रतिशतले बढेर ४८ हजार ४२ युनिट रहेको छ । यस्तो बिक्री एक वर्ष अगाडि ३८ हजार दुई सयवटा युनिट थियो । कम्पनीको निर्यात समेत बढेर १२ हजार दुई सय सात युनिट पुगेको छ । अघिल्लो वर्ष कम्पनीले तीन हजार एक सयवटा मात्रै निर्यात गरेको थियो ।
क्याटेगोरी : विश्व बजार
ताजा अपडेट
- सार्वजनिक जग्गा व्यक्तिका नाममा बनाउने विरुद्ध मुद्दा दायर
- सहमतिका साथ अघि बढ्न उपप्रधानमन्त्री लामिछानेको आह्वान
- प्रहरी जवान घिमिरेको हत्या आरोपमा सात जना पक्राउ
- राष्ट्रियसभाको बैठक स्थगित
- उदयपुरमा हावाहुरीले करोडौँको क्षति
- मेची भन्सारद्वारा एघार अर्ब ५९ करोड राजस्व सङ्कलन
- कामपामा न्यायसंवाद कार्यक्रम सुरु
- सेयर बजारमा देखियो उछाल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया