Techie IT
×
गृहपृष्ठअन्तर्राष्ट्रियटोयोटाको नाफामा चिप्स अभावको असर

टोयोटाको नाफामा चिप्स अभावको असर


जापान । विश्व चिप्स अभावको असर सवारीसाधन उत्पादक टोयोटाको नाफामा देखिएको छ । सवारीसाधन निर्माता टोयोटाको गत वर्ष अन्तिम त्रैमासिकमा नाफा २१ प्रतिशतले घटेको देखिएको हो ।

चिप्स अभावका कारण उत्पादनमा गत वर्ष कम्पनीलाई ठूलो असर पुगेको थियो । कम्पनीका अनुसार तेस्रो त्रैमासिकमा कम्पनीले ६.८ अर्ब अमेरिकी डलर सञ्चालन मुनाफा हासिल गरेको थियो । विश्वको धेरै कार बिक्रेता कम्पनीले आफ्नो वार्षिक उत्पादन लक्ष्यमा समेत पाँच लाख सवारीसाधन कटौती गरी ८५ लाखमा झारेको छ ।

अहिले चिप्स अभावको सामना विश्वभरका उत्पादन कम्पनीले गर्नुपरेको छ । टोयोटाले पूर्ण क्षमतामा उत्पादनको लागि तयारी गरिरहेको एक वक्तव्यमा जनाएको छ । गत सेप्टेम्बरमा कम्पनीले विश्वभर चिप अभावका कारण ४० प्रतिशतले उत्पादन कटौती गरेको थियो । विगत केही महिनायता पनि कम्पनीले चिप अभावसँगै आपूर्ति शृंखलामा समस्यालाई कारण देखाउँदै कतिपय कारखानामा उत्पादन बन्द गरेको थियो ।

सन् २०२२ मा पनि कम्पनीलाई यी समस्याले पिरोल्ने देखिएको छ । त्यसो त यसका प्रतिस्पर्धी कम्पनी पनि यही समस्याबाट गुज्रिएका छन् । फक्सवागन, जनरल मोटर्स, फोर्ड, निसान, डायम्लर, बीएमडब्ल्यू र रेनोले पनि उत्पादन कटौती गरेका थिए ।


क्याटेगोरी : अन्तर्राष्ट्रिय

तपाईको प्रतिक्रिया