३६ देशविरुद्ध एयरस्पेस प्रयोग गर्न रुसी बन्देज
मस्को । आफूविरुद्ध एयरस्पेस प्रयोग गर्न युरोपले प्रतिबन्ध लगाएपछि रुसले पनि सोमबार युरोपमाथि यस्तैखाले प्रतिबन्ध लगाएको छ । ‘जस्तालाई त्यस्तै’ रणनीति भन्दै रुसले आफूलाई प्रतिबन्ध लगाउने ३६ देशमाथि आफ्नो एयरस्पेस प्रयोगमा बन्देज लगाएको छ । पछिल्लोपटक रुसमाथि जर्मनी, स्पेन, इटली र क्यानडाले प्रतिबन्ध लगाएका छन् ।
रुसले यसअघि नै बेलायती हवाइ सेवाप्रदायकलाई यस्तो प्रतिबन्ध लगाएको थियो । रुसी कम्पनी एरोलफ्टलाई अहिले पूरैजसो युरोपले आफ्नो हवाइ क्षेत्रमा प्रवेश निषेध गरेका छन् । आइतबार युरोपेली आयोगले आफ्नो आकाशमा रुसी सरकारी विमान कम्पनीलाई प्रतिबन्ध लगाएको थियो । उसले निजी व्यक्तिगत विमानलाई समेत उड्न रोक लगाएको छ ।
सोमबार रुसी हवाइ नियामक रोसाभियात्सियाले ३६ देशमाथि हवाइ क्षेत्र प्रयोग गर्न रोक लगाएको हो । यसले कतिपय उडानलाई खर्च र समय बढाउने देखिएको छ । रुसले प्रतिबन्ध लगाएका देशमा अल्बानिया, आंगुलिला, अस्ट्रिया, बेल्जियम, ब्रिटिश भर्जिन आइसल्यान्ड, बुल्गेरिया, क्यानडा, क्रोएसिया, साइप्रस, चेक रिपब्लिक, डेनमार्क, ग्रिनल्यान्ड, फारोइ आइल्यान्ड, इस्टोनिया, फिनल्यान्ड, फ्रान्स, जर्मनी, जिब्राल्टर, ग्रिस, हंगेरी, आइसल्यान्ड, आयरल्यान्ड, इटली, जर्सी, लात्भिया, लिथुवानिया, लक्जेम्बर्ग, माल्टा, नेदरल्यान्ड्स, नर्वे, पोल्यान्ड, पोर्चुगल, रोमानिया, स्लोभाकिया, स्लोभेनिया, स्पेन, स्विडेन र बेलायत छन् ।
क्याटेगोरी : विश्व बजार
ताजा अपडेट
- १६औँ योजनामा आर्थिक वृद्धिको लक्ष्य घटाइयो
- बजेटको आधार नबढाउन सात पूर्वअर्थमन्त्रीको सुझाव
- ‘निजी क्षेत्रको मनोबल उकास्न सरकारले महत्वपूर्ण निर्णय गर्छ’
- दुग्ध विकास संस्थानद्वारा किसानलाई ४८ करोड भुक्तानी
- पहाडी भेगमा आंशिक बदली, बाँकी भागमा मौसम सफा रहने
- देशभर कक्षा १२ को परीक्षा शान्तिपूर्ण रूपमा हुँदै
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया