रुसमा अझै पनि कोरोनाको महामारी, एक दिनमा झण्डै ३७ हजार संक्रमित

मस्को । विश्वको शक्तिशाली राष्ट्र रुसमा अझै पनि कोरोना भाइरसको महामारी फैलिइरहेको छ । कोरोना भाइरसविरुद्धको खोप समेत आविष्कार गरेको रुसले आफ्नै देशमा त्यसको महामारी नियन्त्रण गर्न भने अझैसम्म पनि असफल भएको हो ।

सरकारी अधिकारीहरूले दिएको जानकारीअनुसार रुसमा अहिले पनि दैनिक झण्डै ३७ हजार मानिस कोरोना भाइरसबाट संक्रमित हुने गरेका छन् । रुसको आधिकारिक निकायले मङ्गलबार थप ३६ हजार छ सय पाँच जनामा कोरोना भाइरसको संक्रमण भएको पुष्टि गरेको छ । योसँगै अहिलेसम्म कुल संक्रमितहरूको संख्या दुई करोड आठ लाख ६९ हजार सात सय १४ पुगेको पनि अधिकारीहरूले जनाएका छन् ।

त्यसैगरी कोरोना भाइरसका कारण रुसमा अहिलेसम्म कुल तीन लाख ८६ हजार नौ सय ४३ जनाको मृत्यु भएको छ । तीमध्ये एक सय एक जनाको पछिल्लो २४ घण्टामा मृत्यु भएको हो । रुसमा कोरोना भाइरस नियन्त्रणका लागि प्रयास भइरहे पनि देशका विभिन्न ठाउँमा अहिले पनि संक्रमण फैलिइरहेको छ । सिन्ह्वा