एक्सोनमोबिलको तीन महिनाको नाफा ११ अर्ब ४० करोड डलर
अमेरिका । कच्चा तेलसम्बन्धी कम्पनी एक्सोनमोबिलले चालू वर्षको पहिलो तीन महिनामा कीर्तिमानी नाफा आर्जन गरेको छ । तेल र ग्यासको माग उच्च हुँदा कम्पनीले नाफा दोब्बर बढीले वृद्धि गरेको हो ।
अमेरिकी ऊर्जा कम्पनीले सन् २०२३ को पहिलो तीन महिनामा ११ अर्ब ४० करोड अमेरिकी डलर खुद नाफा गरेको छ । एक वर्षअघि सोही अवधिमा कम्पनीको नाफा पाँच अर्ब ५० करोड डलर मात्र रहेको थियो । खासगरी तेल र ग्यासको माग बढेपछि र लागत खर्च कटौतीका लागि चालिएका कदमले नाफा बढाएको कम्पनीले जनाएको छ ।
युरोपमा २० करोड डलर कर र तेलको घट्दो मूल्यका बाबजुद कम्पनीको नाफामा बढोत्तरी भएको हो । त्यस्तै एक्सोनमोबिलको प्रतिस्पर्धी कम्पनी सेभरनले पनि नाफा बढेको जनाएको छ । कम्पनीले जनवरीदेखि मार्च अवधिसम्म अघिल्लो वर्षको तुलनामा पाँच प्रतिशतले नाफा वृद्धि गर्दै छ अर्ब ६० करोड डलर पु-याएको हो । यो कम्पनीले पनि बेलायतमा विन्डफल कर वा ऊर्जा नाफा लेभीअन्तर्गत १३ करोड अमेरिकी डलर तिरेको थियो ।
यी दुईबाहेक शेल र बीपीले पनि पछिल्लो नतिजा सार्वजनिक गर्ने तयारी गरिरहेका छन् । अन्य ठूला कम्पनीहरुजस्तै एक्सोनमोबिलले पनि सेयर सदस्यलाई दिएको प्रतिफलबारे आलोचना खेपेको थियो । कम्पनीले सेयर सदस्यहरुलाई आठ अर्ब १० करोड बोनस र ३७ करोड ५० लाख सेयर बाइब्याकमा दिने बताएको थियो ।
क्याटेगोरी : विश्व बजार
ट्याग : #Page 5
ताजा अपडेट
- लाभांश बाड्न नसक्ने अवस्थामा फाइनान्स कम्पनीहरु
- १६औँ योजनामा आर्थिक वृद्धिको लक्ष्य घटाइयो
- बजेटको आधार नबढाउन सात पूर्वअर्थमन्त्रीको सुझाव
- ‘निजी क्षेत्रको मनोबल उकास्न सरकारले महत्वपूर्ण निर्णय गर्छ’
- दुग्ध विकास संस्थानद्वारा किसानलाई ४८ करोड भुक्तानी
- पहाडी भेगमा आंशिक बदली, बाँकी भागमा मौसम सफा रहने
- देशभर कक्षा १२ को परीक्षा शान्तिपूर्ण रूपमा हुँदै
- कांग्रेस नेता अफताब आलमलाई जन्मकैदको सजाय
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया