भारतको आर्थिक वृद्धि सात प्रतिशत नाघ्ने प्रक्षेपण

नयाँ दिल्ली । सन् २०२३मा भारतको आर्थिक वृद्धिदर सात दशमलव दुई प्रतिशत पुग्ने प्रक्षेपण गरिएको छ । राष्ट्रिय तथ्याङ्क कार्यालयले बुधबार सार्वजनिक गरेको जनवरी देखि मार्चसम्मको त्रैमासिक तथ्याङ्कमा यस वर्ष आर्थिक वृद्धि सात दशमलव दुई प्रतिशत पुग्ने प्रक्षेपण गरेको हो । जनवरी–मार्चमा भारतको जीडीपीको वृद्धि छ दशमलव एक प्रतिशत रहेको तथ्याङ्कमा उल्लेख छ ।

यद्यपी भारतीय रिजर्व बैंक (आरबीआई)ले चौथो त्रैमासमा कुल गार्हस्थ उत्पादनको वृद्धिदर पाँच दशलमव एक प्रतिशत र एसबीआई अनुसन्धानले साढे पाँच प्रतिशत वृद्धि हुने अपेक्षा गरेका छन् ।

कृषि क्षेत्रको वृद्धिदर त्रैमासिक आधारमा चार दशमलव सात प्रतिशतबाट बढेर साढे पाँच प्रतिशत पुगेको छ । जबकी अघिल्लो वर्षकाके सोही अवधिमा यो आकडा चार दशमलव एक प्रतिशत थियो । यस्तै खानी क्षेत्रको वृद्धिदर चार दशमलव तीन प्रतिशत, विद्युत क्षेत्र छ दशमलव नौ प्रतिशतले नकारात्मक छ भने निर्माण क्षेत्र १० दशमलव चार प्रतिशतले बढेको छ ।