सदरमुकाम चरीकोटमा कोरोना संक्रमित भेटिएपछि भीमेश्वर नगरमा एक साता निषेधाज्ञा
काठमाडौं, भदौ २२
दोलखाको सदरमुकाम चरीकोटमा कोरोना संक्रमणका बिरामी देखिएपछि भीमेश्वर नगरपालिकामा एक साता निषेधाज्ञा जारी गरिएको छ । आइतबार बिहान थप चार जनामा कोरोना संक्रमण देखिएपछि भीमेश्वर नगरपालिकामा आइतबार मध्याह्न १२ बजेदेखि भदौ २७ गतेसम्मको लागि निषेधाज्ञा जारी गरिएको हो ।
जिल्ला संकट व्यवस्थापन समितिको आइतबार बिहान बसेको बैठकले भीमेश्वर नगरपालिकाभर भदौ २७ गते मध्यरातिसम्म निषेधाज्ञा जारी गर्ने निर्णय गरेको हो । भीमेश्वर नगरपालिकाबाट तीन दिनअघि नमूना परीक्षणको लागि पठाएको १२ जनाको स्वाबमध्ये दुई महिला र दुई पुरुष गरी चार जनामा आइतबार कोरोना संक्रमण भेटिएपछि आवश्यक सतर्कताको लागि निषेधाज्ञा जारी गरिएको दोलखाका प्रमुख जिल्ला अधिकारी भीमकान्त शर्माले बताए ।
दुई वर्षीय बालकदेखि प्राथमिक स्वास्थ्य केन्द्र चरीकोटका एक डाक्टर समेतलाई कोरोना संक्रमण देखिएको छ । जिल्लाभित्रका सम्पूर्ण शैक्षिक संस्था तथा विद्यालयहरु, सबै प्रकारका भेला तथा समारोह, मन्दिरको नित्यपूजा बाहेकका दर्शनार्थीहरु, सैलुन तथा ब्युटिपार्लरहरु निषेध गरिएको प्रजिअ शर्माले जानकारी दिए । त्यसैगरी गत भदौ १५ गतेदेखि सिंगटीमा जारी निषेधाज्ञा भदौ २२ गते सोमबारबाट हटाइएको छ ।
क्याटेगोरी : नेपाल
ताजा अपडेट
- विदेशी हस्तक्षेपको अन्त्य हुनुपर्छ: महासचिव पोख्रेल
- मौद्रिक नीतिले पार्ने प्रभाव
- आसन्न बजेट भाषण र तलब वृद्धि
- संसद्मा अब यस्तो कहिल्यै नहोस्
- प्रथम पशुपति चौलागाईं स्मृति कपको उपाधि कालिञ्चोकलाई
- भेरी करिडोरको तल्नुबगर ‘बेलिब्रिज’ सञ्चालन
- विद्यालय बन्द गरेर यार्सा संकलन गर्न शिक्षक–विद्यार्थी लेकतिर
- सुनसरी औराबनीका २० घरपरिवार भूमिहीनलाई भवन निर्माण गरी हस्तान्तरण
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया