सडकपेटीमा आश्रित व्यक्तिहरूलाई फकाएर मिर्गौला बेचबिखन गर्ने पाँच जना पक्राउ
काठमाडौं । काठमाडौंका सडकपेटीमा आश्रित व्यक्तिहरूलाई फकाएर मिर्गौला बेचबिखन गर्ने पाँच जनालाई प्रहरीले पक्राउ गरेको छ । पक्राउ पर्नेहरूमा रामेछाप मन्थली नगरपालिका–५ का हिमाल श्रेष्ठ भन्ने धन बहादुर रोका, गुल्मी तम्घास नगरपालिका–२ का विजय कुँवर, दैलेख चामुण्डा बिन्द्रासयनी नगरपालिकाक–६ का धुपेन्द्र शाही, बिमल बहादुर शाही र झापा पृथ्वीनगर नगरपालिका–१ का छोटे भन्ने आशिष तामाङ रहेका छन् ।
उनीहरूले सडकपेटीमा आश्रित व्यक्तिहरूसँग चिनजान गरी भारतको कलकत्ता गई मिर्गौला बिक्री गर्दा पाँच लाख रूपैयाँ कमाइ हुने र नेपाल आउँदा ५० हजार पर्ने मोबाइल समेत पाइन्छ भन्दै फकाउने गरेको पाइएको छ । उनीहरूले दुई जनालाई विश्वासमा पारी मिर्गौलादाताले गर्नुपर्ने शारीरिक जाँच गरी गत असार १५ गते भारतको कोलकत्ता लैजानका लागि तयारी अवस्थामा राखेका थिए ।
उक्त सूचना प्राप्त हुनासाथ खटिएको प्रहरीले घटनामा संलग्न धुपेन्द्र, विजय र बिमललाई पक्राउ गरेको थियो । थप अनुसन्धानको क्रममा सोही घटनामा संलग्न रही फरार रहेका धन बहादुर र आशिषलाई असार २८ गते प्रहरीले पक्राउ गरेको हो । उनीउपर मानव बेचबिखन तथा ओसारपसार (नियन्त्रण) ऐन, २०६४ अनुसार कारबाही हुने मानव बेचबिखन अनुसन्धान व्युरो बबरमहलले जनाएको छ ।
क्याटेगोरी : नेपाल
ताजा अपडेट
- प्रधानमन्त्रीद्वारा ऊर्जा क्षेत्रका आयोजनामा लगानी गर्न आह्वान
- बानेश्वरमा प्रतिपक्ष दलको बैठक सुरु
- कानुन व्यवसायी राष्ट्रिय सम्मेलनको राष्ट्रपतिद्वारा उद्घाटन
- नेपाल चेम्बर र अर्मेनियाको चेम्बरबीच व्यापार एवं सूचना प्रविधिमा सहकार्य हुने
- रोजाइअनुसार नेपाल टेलिकमका डाटा सेवाहरु उपलब्ध
- नेपाल बैंकर्स संघ तथा नेपाल बीमक संघबीच सम्झौता
- प्रभु बैंक र चिरायु नेसनल हस्पिटलबीच छुट सम्झौता
- नेपालमा सहरीकरणको अवस्था र स्थिति, कारण समस्या तथा सुझाव
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया