व्यावहारिक ज्ञान दिन माछापुच्छ्रे विद्यालयले ल्यायो ‘अन्तर्राष्ट्रिय ब्याकुलारिएट’ प्रणाली
काठमाडौं । ललितपुरको कुसुन्तीमा रहेको माछापुच्छ्रे स्कुलले ‘अन्तर्राष्ट्रिय ब्याकुलारिएट’ (आईबी) प्रणाली ल्याएको छ । शैक्षिक प्रणालीअन्तर्गत युरोपियन र अमेरिकी मुलुकहरुले प्रदान गर्ने व्यावहारिक शिक्षा प्रणालीलाई माछापुच्छ्रे स्कुलले पनि आत्मसात् गरेको हो ।
सो शैक्षिक प्रणालीको विषयमा जानकारी दिन गत बिहीबार ललितपुरमा गरिएको पत्रकार सम्मेलनमा विद्यालयका अध्यक्ष डा. विनोदप्रसाद यादवले यो प्रणालीबाट विद्यार्थीलाई अध्ययन गराउँदा विद्यार्थीले आफ्नो जीवनमा अध्ययन गरेको विषय सदैव प्रयोग गर्न सक्ने क्षमताको विकास हुने बताए । विद्यार्थीहरुलाई रटान तथा घोकन्ते अध्ययनशैलीको अन्त्य गर्न र विद्यालयमा सिकेको ज्ञान व्यवहारमा लागु गर्नका लागि ‘अन्तराष्ट्रिय ब्याकुलारिएट’ प्रणाली उत्तम रहेको अध्यक्ष यादवले बताए । राम्रा भनिएका मुलुकमा प्रमाणित भइसकेको र अहिले पनि अभ्यासमा रहेको हुँदा सो प्रणाली अबलम्बन गरेको उनको भनाइ छ । सोसँगै अब माछापुच्छ्रे विद्यालयले बालबालिकाको सिकाइ क्षमता र सिक्ने स्वभावको पहिचान गरी सोहीअनुरूपको अन्तरास्ट्रिय स्तरको शिक्षा प्रदान गर्ने भएको छ । यसले अभिभावकलाई समेत विद्यालयप्रति आकर्षण बढ्ने विद्यालय परिवारको भनाइ छ ।
माछापुच्छ्रे स्कुल सन् १९९५ मा स्थापना भएको थियो । शिक्षाविद् डा. विनोद प्रसाद यादवले अक्टोबर २०१५ मा माछापुच्छ्रे स्कुलको स्थापना गरेका थिए । यस विद्यालयमा रहेका लाइब्रेरी, फिजिक्स, केमिस्ट्री, बायोलोजी ल्याब, कम्प्युटर ल्याब, भाषा ल्याब, आर्ट एण्ड क्राफ्ट कक्षाकोठा, चमेना गृह, सफा पिउने पानीको व्यवस्था, प्रसस्त खेल मैदान, प्राथमिक उपचार कक्ष, किन्डरगार्डेनको लागि छुट्टै खेल मैदान किड ल्याब, स्मार्ट कक्षा कोठाले गर्दा वालवालिकाले स्वच्छ र स्वस्थ वातावरणमा विश्व स्तरको शिक्षा पाउन सफल भइरहेको विद्यालयको दाबी छ ।
क्याटेगोरी : नेपाल
ताजा अपडेट
- जीप दुर्घटनामा दुई जनाको मृत्यु, तेह्र घाइते
- काठमाडौँ उपत्यकाको तापक्रम ३२ डिग्री सेल्सियस पुग्ने पूर्वानुमान
- पेट्रोलियम पदार्थको मूल्य घट्यो
- क्यानले गर्यो सन्दीपको निलम्बन फुकुवा
- डिल्लीराम खनाललाई ५ हजार धरौटीमा छाड्न आदेश
- मुगुको पाटनमा यार्सा टिप्न पुगेकाको दुर्घटना बीमा
- निर्दोष ठहरिए सन्दीप लामिछाने, जिल्ला अदालतको फैसला उच्चले उल्टायो
- सन्दीप लामिछानेको मुद्दामा केहीबेरमा फैसला हुँदै
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया