काठमाडौं । ट्राफिक प्रहरीले चालू आर्थिक वर्षमा उपत्यकाका विभिन्न क्षेत्रबाट चोरिएको पाँच सय सवारी फेला पारी सवारी धनीलाई हस्तान्तरण गरेको छ । सवारी चोरीमा संलग्न रहेको ३६ जनालाई कारबाही गरेको प्रहरीले जनाएको छ ।
काठमाडौँ उपत्यका ट्राफिक प्रहरी कार्यालयले सोमबार मात्रै २१ वटा दुईपाङ्ग्रे सवारी खोजी गरी धनीलाई हस्तान्तरण गरेको छ । कार्यालयका प्रहरी वरिष्ठ उपरीक्षक राजेन्द्रप्रसाद भट्टले विभिन्न क्षेत्रबाट २१ वटा दुईपाङ्ग्रे सवारी खोजी गरी धनीलाई हस्तान्तरण गरिएको जानकारी दिए । उनका अनुसार १२ वटा मोटरसाइकल र नौवटा स्कुटर धनीलाई हस्तान्तरण गरिएको हो । यस्तै, अवैधरूपमा नेपाल भित्रिएका ९५ वटा सवारी भन्सार कार्यालयमा बुझाइएको र एउटा मोटरसाइकललाई थप अनुसन्धानका लागि यातायात व्यवस्था कार्यालय पठाइएको भट्टले बताए । चालू आवमै चोरीका दुई पाङ्ग्रे ३२ सवारीसहित चोरीमा संलग्न ३६ व्यक्तिलाई कारबाही लागि विभिन्न प्रहरी परिसर तथा प्रहरी वृत्तमा पठाइएको छ ।
हराएका सवारी खोजतलास र चोरी नियन्त्रण कार्य निरन्तर हुँदै आए पनि स्वयं सवारी धनी पनि विशेष चनाखो हुनुपर्ने र सवारी चालक थप जिम्मेवार बन्नुपर्नेमा प्रहरीले जोड दिएको छ । प्रहरीले आफ्नो सवारी साधन सुरक्षित स्थानमा पार्किङ गर्न पनि अनुरोध गरेको छ । आफ्नो सवारीको ह्विल लक, चेन लक, ह्यान्डिल लक, डिस्क लकलगायत सुरक्षा साइरन जडान गरी सवारी चोरी तथा हराउनबाट रोक्न विभिन्न उपाय अवलम्बन गर्न पनि प्रहरीले अनुरोध गरेको छ ।
यस्तै, प्रहरीले मानिसको आवतजावत नहुने एकान्त स्थानमा पार्किङ नगर्न पनि अनुरोध गरेको छ । सवारी हराएमा ट्राफिक प्रहरीको हटलाइन नम्बर १०३, नेपाल प्रहरीको हटलाइन नम्बर १०० मा फोन गर्न र नजिकको प्रहरी कार्यालयमा निवेदन दिन सकिने प्रहरीले जनाएको छ ।
क्याटेगोरी : समाचार, सुरक्षा अपराध
ट्याग : #Page 8
ताजा अपडेट
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
- नेकपा एमाले पर्साको अध्यक्षमा डा. विश्वम्भर शर्मा निर्विरोध चयन
- एक लाख बीमितको कार्ड जारी गर्दै काठमाडौँ महानगर
- पोलियोविरुद्ध खोप देशभरि बालबालिकालाई लगाइँदै
- रासायनिक विषादीको प्रयोग घटाउन ‘आइपिएम’ कृषक पाठशाला
- प्रेस तथा अभिव्यक्ति स्वतन्त्रताको सम्मान गर्न आग्रह
- शान्ति समाजद्वारा श्रमजीवी पत्रकारको सुरक्षा हुनुपर्नेमा जोड
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया