सडक विभागको ब्याडमिन्टन प्रतियोगिता सम्पन्न

काठमाडौं । सडक विभागले निजामती सेवा दिवस २०८० को अवसरमा आयोजना गरेको विभागस्तरीय ब्याडमिन्टन प्रतियोगिता आइतबार सम्पन्न भएको छ । प्रतियोगितामा पुरुष डबलतर्फ प्रवीन चौधरी र सुदीप खत्रीको जोडी प्रथम भएको थियो भने मुकुन्दराज अधिकारी र नरेन्द्रप्रसाद भट्टको जोडी दोस्रो भएको थियो ।

त्यस्तै, मिक्स डबलतर्फ ललिजन खनाल र लक्ष्मी केसीको जोडी प्रथम भएको थियो भने दिलकुमार खड्का र सरला न्यौपानेको जोडी दोस्रो भएको थियो । प्रतियोगितमा सडक डिभिजन इलामका प्रमुख विदुर पोखरेल उत्कृष्ट खेलाडी ठहर भएका थिए ।
प्रतियोगिताको समापनको अवसरमा आइतबार भएको अर्को मैत्रीपूर्ण खेलमा भौतिक पूर्वाधार तथा यातायातमन्त्री प्रकाश ज्वाला र सचिव केशव शर्माको टोलीले सडक विभागका महानिर्देशक सुशीलबाबु ढकाल र सुई श्यामकुमार खड्काको टोलीलाई पराजित गरेको सीडीई नरेन्द्रप्रसाद भट्टले जानकारी दिए ।

सडक विभागका प्राविधिक कर्मचारीहरूको भेलाले विभाग तथा मातहतका कार्यालयमा कार्यरत कर्मचारीका लागि उक्त प्रतियोगिता आयोजना गर्ने निर्णयानुसार यही भदौ १५ गते शुक्रबारदेखि १७ गते आइतबारसम्म प्रतियोगिता आयोजना गरेको विभागले जनाएको छ । सीडीई भट्ट र कुशलता न्यौपाने तथा सबइन्जिनियर राजन खड्का सदस्य रहेको सो प्रतियोगिताको संयोजन सडक डिभिजन ललितपुरका प्रमुख मुकुन्दराज अधिकारीले गरेका थिए ।