भूकम्प प्रभावितलाई हलेसी तुवाचुङको ११ लाख सहयोग

काठमाडौं । खोटाङको हलेसी तुवाचुङ नगरपालिकाले भूकम्प प्रभावितलाई ११ लाख ५१ हजार एक सय रुपैयाँ सहयोग गरेको छ । जाजरकोट केन्द्रविन्दु बनाएर गएको भूकम्पमा प्रभावित भएकालाई नगरपालिकाले सो रकम सहयोग गरेको हो ।

नगरपालिकाको आइतबार बसेको बैठकले पालिकाभित्रका जनप्रतिनिधि, कर्मचारी र शिक्षकहरूको दुई दिनको सेवा सुविधा र तलब÷भत्ता बराबरको रकम भूकम्प प्रभावितको नाममा दिने निर्णय गरेको थियो । सो निर्णयअनुसार उक्त रकम सोमबार प्रधानमन्त्री दैवी प्रकोप उद्धार कोषमा जम्मा गरिसकेको नगरपालिकाका उपप्रमुख रमेश राउतले जानकारी दिए ।