बलात्कार मुद्दामा क्रिकेटर लामिछाने दोषी ठहर

काठमाडौं,क्रिकेटर सन्दीप लामिछाने बलात्कार मुद्दामा दोषी ठहर भएका छन् । जिल्ला अदालत काठमाडौंले उनलाई मुलुकी फौजदारी अपराध संहिता २०७४ को २१९(ङ) अनुसार सजाय गर्ने फैसला भएको छ ।

शुक्रबार न्यायाधीश शिशिरराज ढकालको इजलासले उनीमाथि आरोप पुष्टी हुने फैसला गरेको हो । उनलाई कति वर्ष कैद सजाय हुने भन्ने तोकिएको छैन ।

त्यसका लागि पुस २५ गते सुनुवाई हुने छ । त्यो पनि न्यायाधीश ढकालको इजलासमै हुने सुनुवाईले लामिछानेको कैद,क्षतिपुर्ति र जरिवाना निर्धारण गर्नेछ । अदालतले गौशाला २६ लाई बालिका ठहर्याएको छ ।