काठमाडौं ।
लामो समयदेखि बन्द रहेको तातोपानी नाका एकपक्षीय रुपमा सञ्चालनमा आएको छ । चीनमा अड्किएका नेपाली व्यवसायीका सामान आइतबारदेखि नेपाल आउन थालेका छन् । चीनका सामान नेपाल प्रवेश पाउने भए पनि नेपाली सामान भने तत्काल चीन पठाउन पाइनेछैन । कोरोना संक्रमणमा कमी नआएसम्म नेपालबाट सामान लैजान चीनले मानेको छैन ।
आइतबार चीनबाट ११ कन्टेनर कपडा र कच्चा पदार्थ आएको छ । नेपालको दशैं, तिहारलगायतका चाडलक्षित सामानहरु नेपाली व्यवसायीले चीनमा खरिद गरे पनि नाका बन्द भएको कारण चीनका विभिन्न भागमा अलपत्र अवस्थामा छन् ।
नेपालको वर्तमान सरकार र चीनको सरकारबीच राम्रो सम्बन्ध भएको बताइए पनि चीनले नाका सञ्चालनमा पटक–पटक आनाकानी गरिरहेको छ । खासगरी पछिल्लो समयमा चीनले कोरोनाको कारण नाका खोल्न मानिरहेको थिएन । तर, नेपालको पटक–पटकको अनुरोधले चीनले एकपक्षीय रुपमा नाका खोलेको हो ।
कोरोनाको कारण चीनले नेपाल–चीनको मितेरी पुलमा सामान ल्याएर खसालिदिने र ती सामानहरु नेपालका गाडीमा लोड गरेर ल्याउनुपर्नेछ । पुलबाट सुख्खा बन्दरगाहमा ल्याएको सामान भन्सार जाँचपासबाट मात्र नेपाली व्यवसायीले ल्याउन पाउनेछन् । चीनको अनुरोधमा नेपालले २९ जनाको दुई टोलीलाई सामान लोड र अनलोड गर्नका लागि तयारी अवस्थामा राखेको छ । वर्षात्को कारण क्षति पुगेको अरनिको राजमार्गलाई सामान्य मर्मत गरेर सञ्चालन हुनयोग्य बनाइएको छ । सामान आउन थालेपछि दशैंमा सामान्य व्यापार हुने नेपाली व्यवसायीले अनुमान गरेका छन् ।
२०७२ सालको विनाशकारी भूकम्पको कारण नेपाल–चीनको नाका अधिकांश समय बन्द हुँदै आएको छ । नाका सञ्चालन हुने बेलामा कोरोनाको महामारी सुरु भएको कारण रसुवागढी नाका पनि गत माघबाट बन्द भएको थियो । चीनले नेपाललाई समुद्री मार्ग प्रयोग गर्न दिने विषयमा सहमति गरे पनि नेपालसँगकै नाका पटक–पटक बन्द गर्ने गरेको कारण प्रयोग गर्न दिने भनिएका समुद्री मार्गमा पनि अवरोध आउने देखिन्छ ।
क्याटेगोरी : समाचार
ताजा अपडेट
- पर्यटन क्षेत्रका नीतिगत व्यवस्थालाई सुधार गरी लगानीमैत्री बनाउछौं: मन्त्री तामाङ
- महोत्तरीमा दिनहुँजसो आगलागी
- शुन्य दशमलव शुन्य सात अंकले उक्लियो सेयर बजार
- धनुषामा पानीको अभाव भएपछि दमकलले पानी वितरण गरिँदै
- आगामी बजेटले जोखिममा परेका महिला, बालबालिकालाई समेट्छ : मन्त्री चौधरी
- बझाङ उपनिर्वाचनः एमालेका भण्डारी विजयी
- काठमाडौं महानगरद्वारा मटिहानीका आगलागी पीडितलाई १० लाख सहयोग
- छिमेकको छोरीको हत्या गरेको आरोपमा आमाछोरी पक्राउ
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया