सन्तोष पौडेल
बीरगञ्ज, भदौ १
कोरोनाको हटस्पट बन्दै गएको पर्साको वीरगञ्जमा जारी निषेधाज्ञालाई थप कडाइ गर्न सडकमा सेना परिचालन गरिएको छ । स्थानीय प्रशासनले जारी गरेको निषेधाज्ञालाई स्थानीयले अवज्ञा गरेको कारण कोरोना संक्रमणमा वृद्धि भएको भन्दै स्थानीय प्रशासनले आइतबारदेखि सडकमा सेना परिचालन गरेको हो ।
यता वीरगञ्जवासीले भने स्थानीय प्रशासनको मातहतमा रहेको नेपाल प्रहरी र शसस्त्र प्रहरीले आर्थिक प्रलोभनमा परी सीमाबाट खुलारूपमा सर्वसधारणलाई आवतजावत गर्न छुट गरेपछि वीरगञ्ज कोरोनाको हटस्पट बन्न पुगेको आरोप लगाएका छन् ।
कोरोनाले जनप्रतिनिधि, स्वास्थ्यकर्मीलगायत सर्वसाधारण संक्रमित हुने क्रम बढिरहेको छ । त्यस्तै मृत्यु हुनेमा पनि सबैभन्दा बढी पर्साका नै रहेका छन् । पर्सामा हालसम्म कोरोना संक्रमितको संख्या एक हजार दुई सय नाघिसकेको छ ।
वीरगञ्जमा नारायणी अस्पतालको मातहतमा रहेको दुईवटा अस्थायी कोभिड अस्पताल सञ्चालनमा छन् । गण्डक अस्थायी कोभिड अस्पतालमा ६९ जना उपचाररत छन् । तीमध्ये १० जना आईसीयूमा छन् । वीरगञ्ज हेल्थ केयर अस्थायी कोभिड अस्पतालमा एक सय तीन जना संक्रमित भर्ना भएका छन् । तीमध्ये २६ जना आईसीयूमा छन् । नारायणी अस्पतालको आइसोलेसनमा पाँच जनाको उपचार भइरहेको छ ।
यसबाहेक वीरगञ्जका होटल, धर्मशाला, विद्यालय, निजी अस्पताललगायतमा सञ्चालित सेमी–आइसोलेसनमा दुई सय ३९ जनाको उपचार भइरहेको छ । तीन सय ७४ जना संक्रमित भने होम आइसोलेसनमा छन् । संक्रमितमध्ये ८० प्रतिशत लक्षणसहितका बिरामी छन् । आईसीयूमा राखिएका बिरामीको अवस्था त्यति धेरै जटिल नरहेको बताइएको छ ।
क्याटेगोरी : बिबिध
ताजा अपडेट
- सुर्तीजन्य पदार्थ नियन्त्रणमा सरकार उदासीन
- बचतकर्ताको विवरण जलाउन आइडियल यमुना सहकारीमा रहस्यमय आगजनी
- जंगी अड्डामा अभूतपूर्व सन्नाटा !
- आगामी दुई दिन गर्मी बढ्ने, सावधानी अपनाउन आग्रह
- कांग्रेस संसदीय दलको बैठक बस्दै
- कांग्रेसको अवरोधपछि प्रतिनिधि सभा बैठक स्थगन
- कांग्रेसको अवरोधपछि राष्ट्रियसभा बैठक स्थगन
- सगरमाथा आधार शिविरतर्फ पठाइयो ‘विश्व शान्ति दीप’
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया