विराटनगर । सुनसरी मोरङ औद्योगिक करिडोरको कटहरी गाउँपालिकामा सञ्चालन हुँदै आएको क्वालिटी सपमा शनिबार राति भीषण आगलागी भएको छ । विराटनगरमा रहेको कावरा ग्रुपले सञ्चालन गर्दै आएको उक्त क्वालिटी सपमा रहेको साबुन बनाउन प्रयोग हुने व्वाइलरको प्लान्टमा राति एक्कासि आगो लागेको हो ।
उद्योग सञ्चालक घनश्याम कावराले साबुनको व्वाइलरमा भएको विद्युत् सर्टबाट आगलागी भएको हुनसक्ने प्रारम्भिक अनुमान गरिएको जानकारी दिए । आगलागीबाट साबुन वनाउन प्रयोग गरिने कच्चा पदार्थ भरिएका प्लास्टिका ड्रम सबै जलेर काम नलाग्ने अवस्थामा पुगेको छन् । सुनसरी मोरङ औद्योगिक करिडोरमा सञ्चालन हुँदै आएको क्वालिटी सप धेरै लामो समयदेखि सञ्चालनमा रहेको सबैभन्दा पुरानो उद्योग हो ।
धेरै लामो समयको कालखण्डलाई झेल्दै विभिन्न अवरोधका बीचमा पनि उद्योग निर्बाधरूपमा सञ्चालन हुँदै आएको थियो । उद्योगी कावराले आगलागीबाट के–कति क्षति भयो र के–कति काम लाग्ने अवस्थामा छ भन्ने यकिन अहिले नै गर्न नसकिने जानकारी दिए । आगलागी भएको क्वालिटी सप रहेको स्थानमा क्वालिटी थाइफुड्स र क्वालिटी रिफाइनरी गरी तीन उद्योग सञ्चालनमा छन् । उक्त आगलागीबाट बाँकी दुई उद्योगमा भने कुनै क्षति नपुगेको बताइएको छ । विराटनगर महानगरपालिका र इटहरी नगरपालिकाबाट आएका बारुणयन्त्रले समयमा नै आगो नियन्त्रण लिएका कारण बाँकी उद्योगहरूमा क्षति नपुगेको उनले बताए ।
क्याटेगोरी : बिबिध
ताजा अपडेट
- नयाँ चरणको आर्थिक सुधारलाई अघि बढाऔँ : सांसद वाग्ले
- श्रीमतिको हत्या गरेको आठ दिन पछि शव फेला
- भारतमा किसानका लागि २० हजार करोड रुपैयाँ जारी गरिने
- अस्ट्रेलियासँग मतभेद हटाउन चीनको आग्रह
- नेपालमा बनेको हुन्डाई भेन्युको बिक्री सुरु
- द सेन्चुरियन होटल र नेक्सजेन म्यानेजमेन्टबीच सम्झौता
- प्रवास ट्राभल एन्ड टुर्सले जित्यो आठ अवार्ड
- ईजी डेन्टलले निःशुल्क शिविर सञ्चालन गर्न
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया