झण्डै चार अंकले ओरालो लाग्दा तीन अर्ब ७६ करोडको सेयर खरिदबिक्री
पाँचौँ कारोबार दिन पनि ओर्लियो सेयरबजार
काठमाडौं । साताको सुरुवाती कारोबार दिनदेखि नै ओरालो लागेको सेयरबजार परिसूचक नेप्से साताको अन्तिम कारोबार दिन बिहीबार पनि ओरालो लागेको छ । यसदिन बजार परिसूचक नेप्से तीन दशमलव ९४ अंकले ओरालो लागेर दुई हजार ८४ दशमलव शून्य नौ विन्दुमा खुम्चिएको छ । ‘क’ वर्गका कम्पनीहरुको कारोबार मापन गर्नै सेन्सिटिभ इन्डेक्स पनि शून्य दशमलव ९६ अंकले ओरालो लागेर तीन सय ७९ दशमलव ४६ विन्दुमा खुम्चिएको छ ।
धितोपत्र बजारमा यसदिन तीन सय चारवटा कम्पनीको ९१ हजार तीन सय ६४ पटक सेयर किनबेच भएको छ । जसबाट एक करोड १६ लाख ८९ हजार नौ सय ५५ कित्ता सेयर खरिदबिक्री भएकोमा कुल कारोबार रकम तीन अर्ब ७६ करोड ४५ लाख पाँच हजार चार सय ५० रुपैयाँ पुगेको छ ।
यसदिन १३ वटा समूहको सेयर कारोबार भएकोमा पाँचवटा उपसमूहहरुको सूचक उकालो लागेका छन् भने बाँकी उपसमूहहरुको सूचक ओरालो लागेका छन् । जसमध्ये वाणिज्य बैंक उपसमूहको सूचक दुई दशमलव २६ अंकले उकालो लागेर ११ सय ६४ दशमलव ५१ विन्दुमा चढेकोमा विकास बैंक उपसमूहको सूचक पनि पाँच दशमलव ९५ अंकले उकालो लागेर चार हजार ३५ दशमलव ८३ विन्दुमा चढेको छ । यसैगरी फाइनान्स उपसमूहको सूचक पनि दुई दशमलव ६५ अंकले उकालो लागेर १७ सय ८६ दशमलव ८५ विन्दुमा चढेकोमा सामूहिक लगानी कोष र ट्रेडिङ उपसमूहको सूचक पनि क्रमशः शून्य दशमलव शून्य एक र १४ दशमलव ६५ विन्दुले उकालो लागेका छन् ।
जलविद्युत् उपसमूहको सूचक भने यसदिन शून्य दशमलव ४१ अंकले ओरालो लागेर २५ सय ९० दशमलव १८ विन्दुमा झरेकोमा जीवन बीमा उपसमूहको सूचक पनि ४५ दशमलव ९० अंकले ओरालो लागेर १० हजार छ सय १९ दशमलव १९ विन्दुमा झरेको छ । निर्जीवन बीमा उपसमूहको सूचक पनि ४७ दशमलव ३३ अंकले ओरालो लागेर १० हजार नौ सय २० दशमलव १४ विन्दुमा झरेकोमा होटल तथा पयर्टन, लगानी, उत्पादनमूलक, लघुवित्त र अन्य उपसमूहहरुको सुचक पनि क्रमशः ५८ दशमलव ८३, शून्य दशमलव ४९, पाँच दशमलव ६०, १८ दशमलव ३९ र नौ दशमलव ६२ विन्दुले ओरालो लागेका छन् ।
यसदिन सामलिङ पावर लिमिटेडको प्रतिकित्ता सेयरमूल्य नौ दशमलव ९९ प्रतिशतले बढ्दा सिटिजन्स म्युचुअल फन्ड २ को प्रतियुनिट सेयरमूल्य पाँच दशमलव शून्य तीन प्रतिशतले घटेको छ । यसैगरी हिमालयन रि–इन्स्योरेन्स कम्पनीको भने प्रतिकित्ता छ सय ४८ रुपैयाँ ८० पैसा अन्तिम मूल्यमा २८ करोड ६७ लाख २६ हजार पाँच सय २९ रुपैयाँको सेयर किनबेच भएको छ ।
क्याटेगोरी : शेयर बजार
ट्याग : #Page 1
ताजा अपडेट
- सार्वजनिक जग्गा व्यक्तिका नाममा बनाउने विरुद्ध मुद्दा दायर
- सहमतिका साथ अघि बढ्न उपप्रधानमन्त्री लामिछानेको आह्वान
- प्रहरी जवान घिमिरेको हत्या आरोपमा सात जना पक्राउ
- राष्ट्रियसभाको बैठक स्थगित
- उदयपुरमा हावाहुरीले करोडौँको क्षति
- मेची भन्सारद्वारा एघार अर्ब ५९ करोड राजस्व सङ्कलन
- कामपामा न्यायसंवाद कार्यक्रम सुरु
- सेयर बजारमा देखियो उछाल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया