काठमाडौं । सेयरबजार सोमबार दोहोरो अंकले बढेर २१ सय विन्दुमाथि पुगेको छ । नेप्से परिसूचक १० दशमलव २६ अंकले बढेर दुई हजार एक सय चार दशमलव ७२ विन्दुमा कायम भएको छ ।
चार अर्ब ५६ करोड ६५ लाख रुपैयाँबराबरको एक करोड २३ लाख २२ हजार सात सय पाँच कित्ता सेयर किनबेच भएको छ । लगानीकर्ताको सम्पत्ति १८ अर्ब रुपैयाँले बढेको छ । बजार पुँजीकरण ३३ खर्ब सात अर्ब रुपैयाँ कायम भएको छ ।
कारोबारमा आएका दुई सय ४७ कम्पनीमध्ये एक सय ५० कम्पनीको सेयरमूल्य बढ्दा बजारमा हरियाली देखिएको हो । बजार बढे पनि ८६ कम्पनीको सेयरमूल्य घटेको छ भने ११ वटाको स्थिर रहेको छ ।
गतसाता लगातार घटेको बजार यससाता आइतबारदेखि लयमा फर्किएको छ । सूचकसँगै कारोबार रकममा पनि सुधार देखिएको छ ।
बैंकिङ, लघुवित्त र निर्जीवन बीमा समूहबाहेक सबै बढेका छन् । बैंकिङ शून्य दशमलव शून्य छ प्रतिशत, लघुवित्त शून्य दशमलव शून्य पाँच प्रतिशत र निर्जीवन बीमा शून्य दशमलव ११ प्रतिशतले घटेका छन् । सोमबार पनि लगानीकर्ताको आकर्षण जलविद्युत् समूहमा देखियो । यो समूह एक दशमलव शून्य आठ प्रतिशतले बढेको छ । अन्य समूह पनि एक दशमलव ६४ प्रतिशतल बढेको छ । त्यसपछि लगानी शून्य दशमलव ९८, जीवन बीमा शून्य दशमलव ७२, फाइनान्स शून्य दशमलव ४९, उत्पादन तथा प्रशोधन शून्य दशमलव ४६, व्यापार शून्य दशमलव ४४, म्युचुअल फन्ड शून्य दशमलव १४ र होटल शून्य दशमलव ११ प्रतिशतले बढेको छ ।
जलविद्युत् समूहका तीन कम्पनीको सेयर कारोबार सकारात्मक सर्किट लेभलमा भएको छ । युनियन हाइड्रोपावर, अरुण भ्याली हाइड्रोपावर र मिड सोलु हाइड्रोपावरको सेयरकारोबार सकारात्मक सर्किट लेभलमा भएको हो । गरिमा डिबेन्चर, २०८५’को कारोबार भने नकारात्मक सर्किट लेभलमा भएको छ । हिमायलन रि–इन्स्योरेन्सको सेयर कारोबार सबैभन्दा धेरै ६० करोड १६ लाख ७१ हजार रुपैयाँबराबरको कारोबार भएको छ ।
क्याटेगोरी : शेयर बजार
ट्याग : #Page 1
ताजा अपडेट
- नबिल बैंकको प्रमुख कार्यकारीमा पुन: ढुंगाना
- नेपाल लाइफ क्यापिटलको सीईओमा घिमिरे
- महिला सशक्तीकरणका लागि लक्ष्मी सनराइज बैंकको शिक्षित लक्ष्मी पहल
- समृद्धि फाइनान्सद्वारा विपन्न विद्यार्थीलाई स्टेसनरी वितरण
- बागमती प्रदेश सरकारले आ.ब.८१/०८२ मा परिणाममुखी बजेट ल्याउने
- आन्तरिक विवाद समाधानका लागि राप्रपाले गर्यो बैठक आह्वान
- सदनमा गृहमन्त्री लामिछानेलाई बोल्न दिने विपक्षी दलको निर्णय
- तोलामा एक हजार छ सयले सुनको मूल्यमा वृद्धि
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया