सुरेश राउत
काठमाडौं, पुस १४
बैंक तथा फाइनान्स कम्पनीहरुले प्रवाह गरेको कुल कर्जा रकम बढेको छ । नेपाल राष्ट्र बैंकका अनुसार चालू आर्थिक वर्षको पछिल्लो चार महिनामा २८ वटा वाणिज्य बैंक, २५ वटा विकास बैंक र २२ वटा फाइनान्स कम्पनीहरुले कुल १४ लाख ५६ हजार चार सय १० वटा कर्जा खातामार्फत ३० खर्ब ५१ अर्ब ४४ करोड ६० लाख रुपैयाँ कर्जा प्रवाह गरेका छन् ।
गत आवको सोही अवधिमा बैंक तथा फाइनान्स कम्पनीहरुले १३ लाख ३३ हजार तीन सय ४१ वटा कर्जा खातामार्फत २६ खर्ब २१ अर्ब ३२ करोड ९१ लाख ८० हजार रुपैयाँ कर्जा प्रवाह गरेका थिए । सो अनुसार गत आवको चार महिनाको तुलनामा चालू आवको चार महिनामा बैंक तथा फाइनान्स कम्पनीहरुको कर्जा खाताको संख्या एक लाखले बढ्दा कर्जा रकम झण्डै चार खर्ब रुपैयाँले बढेको देखिएको छ ।
राष्ट्र बैंकका अनुसार वाणिज्य बैंकहरुले मात्र चालू आवको पछिल्लो चार महिनामा १० लाख ८१ हजार नौ सय ७१ वटा कर्जा खातामार्फत २६ खर्ब ४३ अब १२ करोड ९० लाख रुपैयाँ कर्जा प्रवाह गरेका छन् । गत आवको सोही अवधिमा वाणिज्य बैंकहरुले नौ लाख ८४ हजार दुई सय ३० वटा कर्जा खातामार्फत २२ खर्ब ८० अर्ब सात करोड ७१ लाख ४० हजार रुपैयाँ कर्जा प्रवाह गरेका थिए ।
यसैगरी विकास बैंकहरुले पनि चालू आवको पछिल्लो चार महिनामा तीन लाख ३० हजार तीन सय ६१ वटा कर्जा खातामार्फत तीन खर्ब ३६ अर्ब ९७ करोड ३० लाख रुपैयाँ कर्जा प्रवाह गरेका छन् । गत आवको सोही अवधिमा भने विकास बैंकहरुले तीन लाख १० हजार ६८ वटा कर्जा खातामार्फत दुई खर्ब ३१ अर्ब १६ करोड ८७ लाख ६० हजार रुपैयाँ कर्जा प्रवाह गरेका थिए ।
राष्ट्र बैंकका अनुसार फाइनान्स कम्पनीहरुले चालू आवको पछिल्लो चार महिनामा ४४ हजार ७८ वटा कर्जा खातामार्फत ७१ अर्ब ३४ करोड ४० लाख रुपैयाँ कर्जा प्रवाह गरेका छन् । गत आवको सोही अवधिमा भने फाइनान्स कम्पनीहरुले ३९ हजार ४३ वटा कर्जा खातामार्फत ६० अर्ब आठ करोड ३२ लाख रुपैयाँ कर्जा प्रवाह गरेका थिए ।
क्याटेगोरी : समाचार
ताजा अपडेट
- बुटवलमा मोर्डन डाइग्नोस्टिक ल्याब र टेस्ला फार्मेसीको शाखा
- लेखा समितिको भूमिका प्रभावकारी बनाउन राष्ट्रिय गोष्ठी आयोजना हुने
- ग्लोबल आइएमई बैंकको ग्लोबल ग्रिन आवास कर्जा
- नेपालमा गोगोरो ब्याट्री स्वापिङ र क्रसओभर जिएक्स२५० स्कुटर सार्वजनिक
- सामसङको ग्यालेक्सी एम५५ फाइभजी नेपालमा
- राकुटेन भाइबरले सबै सरकारी निकायसँग सम्झौता गर्ने
- लगानी सम्मेलनको प्रतिबद्धता र नयाँ सरकारको आवश्यकता
- खरर्बौं लगानीको होटलले उद्योगको मान्यता कहिले पाउने ?
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया