बर्खास्तीमा परेका निशानका पूर्वप्रमुख लेबनान पुगे
बेरुत/टोकियो, पुस १६
बर्खास्तीमा परेका सवारीसाधन निर्माता निशानका पूर्वप्रमुख कार्लोस गोसन लेबनान पुगेका छन् । जापानको न्यायप्रणालीको आलोचना गर्दै गोसन मंगलबार लेबनान पुगेका हुन् । यद्यपि उनले आफू न्यायिक प्रणालीबाट नभागेको बताएका छन् । उनी केही समयअघि पक्राउ परेर धरौटीमा रिहा भएका थिए ।
उनीसँग फ्रेन्च, ब्राजिलियन र लेबनिज नागरिकता रहेको छ । यद्यपि उनी कसरी जापानबाट उम्किए भन्ने खुलेको छैन । लेबनानले गोसन कानुनी रुपमै प्रवेश गरेको बताएको छ । उनी टर्कीको इस्तानबुलबाट निजी विमानमा लेबनान पुगेको बताइएको छ । जापानले अमेरिका र दक्षिण कोरियासँग मात्रै सुपुर्दगी सन्धि गरेको कारण उनी लेबनानमै रहने निश्चितप्रायः छ । उनी सन् २०१८ को नोभेम्बरमा पहिलोपटक टोक्योमा पक्राउ परेका थिए ।
उनीविरुद्ध जापानमा चार अभियोगमा मुद्दा चलिरहेको छ । यद्यपि उनले आफूविरुद्धको आरोप अस्वीकार गर्दै आएका छन् । उनलाई कम्पनीले आन्तरिक अनुसन्धानमा दोषी देखिएको भन्दै बर्खास्त गरेको थियो । उनले प्रमुख कार्यकारी हुँदा रकम हिनामिना गरेको आरोप छ । गोसन मार्चमा ९० लाख अमेरिकी डलर धरौटी राखेर रिहा भएका थिए । तर फेरि उनी पक्राउ परेका थिए । पछि फेरि अप्रिलको अन्त्यतिर उनलाई रिहा गरिएको थियो । उनलाई जापान छोड्ने अनुमति पनि थिएन ।
क्याटेगोरी : विश्व बजार
ताजा अपडेट
- ‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा
- क्षमतावान् जनशक्ति उत्पादन र उपयोगमा जोड
- वायुसेवा निगमको व्यावसायिक सुधारका लागि सबै एकतावद्ध हुनुपर्छः मन्त्री तामाङ
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया