एफडीआईसम्बन्धी नयाँ कानुन ल्याउने तयारीमा भारत
नयाँ दिल्ली, माघ ३
भारतले बाह्य लगानी संरक्षणका लागि नयाँ कानुन ल्याउने तयारी गरेको छ । रोयटर्सका अनुसार यससम्बन्धी विवादको द्रुत समाधान गर्ने र बाह्य लगानीलाई आकर्षण गर्ने गरे नयाँ कानुन ल्याउन लागिएको हो । यसका लागि ४० पृष्ठको प्रारम्भिक मस्यौदा समेत अर्थ मन्त्रालयले तयार गरिसकेको छ । लगानीकर्ता र सरकारबीचको विवाद समाधान गर्न द्रुतमार्ग बनाउने तथा मध्यस्थकर्ताको व्यवस्था नयाँ कानुनमा राख्न लागिएको छ ।
नयाँ कानुनले वैदेशिक लगानीको प्रवर्द्धन गर्नुका साथै सुस्ताउँदो आर्थिक वृद्धिदरलाई पनि टेवा दिने आशा गरिएको छ । यद्यपि मन्त्रालयले भने यसबारे केही बताएको छैन । स्रोतलाई उद्धृत गर्दै प्रकाशित समाचारमा हालको व्यवस्थाले विवाद समाधान हुन वर्षौँ लाग्ने गरेको उल्लेख छ । यसअघि लगानीकर्ताहरुले विवाद भएमा इन्टरनेशनल आर्बिट्रेसन कोर्टमा जानसक्ने व्यवस्था थियो । यससम्बन्धी द्विपक्षीय लगानी सम्झौता भारतले धेरै देशसँग गरेको छ । तर सोही सन्धिका कारण भारतले मुद्दा हारेपछि ती सन्धिको पालना गर्न छोडेको छ । यसको असर लगानीकर्तालाई परेको छ । उक्त सन्धिअनुसार लगानी सुरक्षा प्रत्याभूति गरिएको हुन्छ ।
भोडाफोन, डुच टेलिकम, निसान मोटलगायतका कम्पनीले यसअघि अन्तर्राष्ट्रिय मध्यस्थकर्तासामु भारतसँगको विवाद लगेका थिए । धेरैजस्तो यस्ता मुद्दामा भारत हारेको थियो । नयाँ कानुन आए भारतलाई अन्य देशसँग कुनै सन्धि सम्झौता गर्न आवश्यक नहुने पनि बताइएको छ ।
क्याटेगोरी : विश्व बजार
ताजा अपडेट
- ‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा
- क्षमतावान् जनशक्ति उत्पादन र उपयोगमा जोड
- वायुसेवा निगमको व्यावसायिक सुधारका लागि सबै एकतावद्ध हुनुपर्छः मन्त्री तामाङ
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया