काठमाडौं । नेपाल एसोसिएसन अफ टुर एन्ड ट्राभल एजेन्ट्स (नाट्टा) सुदूरपश्चिम प्रदेशले सुदूरपश्चिमको पर्यटकीय क्षेत्र बडिमालिका क्षेत्रको प्रवर्द्धनका लागि हेलिटुर आयोजना गर्ने भएको छ । नेपाल पर्यटन बोर्डको प्रवर्द्धनमा नाट्टाले आइतबारदेखि १० दिनका लागि पहिलो चरणमा विभिन्न प्याकेजसहित सो टुरको आयोजना गर्न लागेको हो ।
नाट्टा सुदूरपश्चिम प्रदेशले काठमाडौँमा पत्रकार सम्मेलन गरी यात्रुलाई स्थानको हिसाबले १२ हजार रूपैयाँदेखि ४० हजार रूपैयाँसम्मको प्याकेज उपलब्ध गराइने जानकारी दिएको छ । बोर्डसँगै सुदूरपश्चिम प्रदेश सरकार र खप्तड राष्ट्रिय निकुञ्ज प्रवर्द्धक तथा नाट्टा सुदूरपश्चिम प्रदेश, माउन्टेन हेलिकोप्टर प्रालि, नेपाल उद्योग वाणिज्य महासङ्घ सुदूरपश्चिम प्रदेश र होटल व्यवसायी महासंघ सुदूरपश्चिम प्रदेशको सहकार्यमा आयोजना गरिने प्याकेजमा दिपायल खप्तड दिपायल, झिग्राना खप्तड झिग्राना, धनगढी र महेन्द्रनगरदेखि झिग्राना, दिपायल बडिमालिका दिपायल, दिपायल खप्तड बडिमालिका र साफेबगर बडिमालिका साफेबगरलगायत स्थानबाट सो क्षेत्रको अवलोकन गर्न जान सकिने व्यवस्था मिलाइएको छ ।
नेपाल पर्यटन बोर्डका सदस्य कृष्ण शाहले आर्थिक विकासका लागि आन्तरिक पर्यटनलाई चलायमान बनाउन आवश्यक रहेको बताए । कोरोनाले सुस्ताएको पर्यटनलाई चलायमान बनाउन यो कार्यक्रम सहयोगी हुने उनले बताए । बोर्डका वरिष्ठ निर्देशक हिक्मतसिंह ऐरले सुदूरपश्चिम प्रदेश भारतका विभिन्न सहरसँग जोडिएकाले यो कार्यक्रममा भारतीय पर्यटकलाई समेत ल्याउन सकिने बताए ।
नाट्टाका केन्द्रीय अध्यक्ष अच्युत गुरागाइँले सुदूरपश्चिम प्रदेश पर्यटनका लागि ‘भर्जिन ल्याण्ड’ भएको उल्लेख गर्दै यो कार्यक्रमले सो क्षेत्रको पर्यटन प्रवर्द्धनमा सहयोग पुग्ने बताए । यस्तै नाट्टा सुदूरपश्चिम प्रदेशका सल्लाहकार नरेन्द्रदेव भट्टले सुदूरपश्चिम प्रदेशमा पर्यटनको प्रचुर सम्भावना रहेकाले आर्थिक विकासका लागि त्यसको प्रवर्द्धन गर्न आवश्यक रहेको उल्लेख गरे । माउन्टेन हेलिकोप्टरका महाप्रबन्धक डीलबहादुर ओलीले नाफाभन्दा पनि सो क्षेत्रको पर्यटन प्रवर्द्धनका लागि लागत मुल्यमै कम्पनीले टुर प्याकेज ल्याएको जानकारी दिए ।
नाट्टा सुदूरपश्चिम प्रदेशका अध्यक्ष मायाप्रकाश भट्टले सुदूरपश्चिम प्रदेशकै प्रमुख पर्यटकीय गन्तव्य खप्तड बडिमालिका लगायतका स्थल अहिले हिउँले सेताम्मे रहेकाले उक्त क्षेत्रको भ्रमण गर्ने चाहाना भएका तर समय अभावका कारण जान नसक्ने पर्यटकका लागि यो कार्यक्रम फलदायी हुने बताए । नाट्टाका सचिव शिवहरि पाण्डले दश दिनको अवधिमा कम्तीमा पनि तीन सय ५० आन्तरिक पर्यटकलाई खप्तड र बडिमालिका भ्रमण अवलोकन गराउने लक्ष्य लिएको जानकारी दिए ।
क्याटेगोरी : बिबिध
ताजा अपडेट
- पर्यटन क्षेत्रका नीतिगत व्यवस्थालाई सुधार गरी लगानीमैत्री बनाउछौं: मन्त्री तामाङ
- महोत्तरीमा दिनहुँजसो आगलागी
- शुन्य दशमलव शुन्य सात अंकले उक्लियो सेयर बजार
- धनुषामा पानीको अभाव भएपछि दमकलले पानी वितरण गरिँदै
- आगामी बजेटले जोखिममा परेका महिला, बालबालिकालाई समेट्छ : मन्त्री चौधरी
- बझाङ उपनिर्वाचनः एमालेका भण्डारी विजयी
- काठमाडौं महानगरद्वारा मटिहानीका आगलागी पीडितलाई १० लाख सहयोग
- छिमेकको छोरीको हत्या गरेको आरोपमा आमाछोरी पक्राउ
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया