दोलखा । जिल्लाको बैतेश्वर गाउँपालिका वडा नम्बर–६ की चन्द्रमाया गिरीले वडालाई एम्बुलेन्स सहयोग गरेकी छिन् । आफू ८४ वर्ष पुगेको अवसर पारेर उनले वडा कार्यालयलाई एम्बुलेन्स हस्तान्तरण गरेकी हुन् ।
आफूले घरमै सुत्केरी हुनुपर्दा भोगेको समस्या र बिरामी पर्दा एम्बुलेन्स अभावमा अस्पतालसम्म पुग्न नसकेको विगतलाई सम्झेर वडालाई व्यक्ति रूपमा नयाँ एम्बुलेन्स खरिद गरी हस्तान्तरण गरेको जानकारी दिइन् । दुई छोरा र दुई छोरीसहित चार सन्तानलाई स्वास्थ्य चौकी र सवारी अभावमा घरमै सुत्केरी गराउनुपर्दाको पीडालाई सम्झेर एम्बुलेन्स सहयोग गरेको उनको भनाइ थियो ।
आइतबार ८४ वर्ष पुगेको खुसीमा चौरासी मनाउँदै उनले बैतेश्वर गाउँपालिका अध्यक्ष छवि लामा, उपाध्यक्ष कल्पना उप्रेती र वडा अध्यक्ष अशोककुमार तामाङलाई घरमै बोलाएर गाउँका पण्डितबाट पुजापाठ गरी एम्बुलेन्स हस्तान्तरण गरेकी हुन् । उनलाई एम्बुलेन्स खरिद गर्न उनका सन्तानले सहयोग गरेका थिए । एम्बुलेन्सको साँचो बुझ्दै बैतेश्वर गाउँपालिका अध्यक्ष छवि लामाले लाखौँ मूल्यको एम्बुलेन्स सहयोग गरेको भन्दै चन्द्रमाया गिरी परिवारलाई धन्यवाद दिए ।
एम्बुलेन्स नियमित सुचारु गर्न गाउँपालिकाले इन्धन तथा चालकको व्यवस्थापन वडासँग समन्वय गरेर गर्ने बताए । एम्बुलेन्स बुझ्दै वडा अध्यक्ष अशोक कुमार तामाङले एम्बुलेन्स सहयोग गर्ने चन्द्रमाया गिरीलाई सम्मान गर्ने बताए । चन्द्रमायाका छोरा सूर्य बहादुर गिरीले आमाको इच्छाअनुसार एम्बुलेन्स सहयोग गरेको बताए । (ख) वर्गको एम्बुलेन्स वडालाई उपलब्ध गराउन करिब २७ लाखबराबर लागेको गिरीको भनाइ छ ।
क्याटेगोरी : कर्पोरेट-वाणिज्य-उद्योग
ताजा अपडेट
- इलाम उपनिर्वाचन : एमालेका नेम्बाङको अग्रता कायमै
- नेपालमा पेट्रोलियम पदार्थ पत्ता लगाउन अन्तिम चरणको ‘ड्रिलिङ’ गरिँदै, हालसम्मको उपलब्धि के?
- पाँच वर्षपछि नेपालमा लगानी सम्मेलन, प्रधानमन्त्रीले लगानीकर्तालाई देखाएका अवसर कस्ता
- इलाम उपनिर्वाचनः फाकफोकथुम–१,२ , ३ र ४ को मतगणना सकियो
- पहिचानसहितको नागरिकता पाउनुपर्ने यौनिक तथा लैङ्गिक अल्पसङ्ख्यक समुदायको माग
- दोहोरो अंकले उक्लियो सेयर बजार
- हिमाञ्चल प्रदेशमा बहादुरसिंहको शालिक अनावरण
- हालसम्म मकवानपुरमा डेङ्गु सङ्क्रमितबाट एक जनाको मृत्यु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया