काठमाडौं । महिला अधिकार तथा विकास केन्द्रको आयोजनामा महिला लघुवित्त वित्तीय संस्थाको चालू आर्थिक वर्षको समीक्षा तथा अभिमुखीकरण तथा शाखा व्यवस्थापन तालिम सम्पन्न भएको छ ।
महिला लघुवित्तका प्रमुख कार्यकारी अधिकृत (सीईओ) कृष्ण प्रसाद न्यौपानेको अध्यक्षतामा आयोजित शाखा व्यवस्थापन तालिममा महिला अधिकार तथा विकास केन्द्रकी अध्यक्ष तुल्सी थापाको प्रमुख आतिथ्यता रहेको थियो ।
सो अवसरमा सीईओ न्यौपानेले पछिल्लो समय लघुवित्तमाथि प्रहार हुनुका साथै संस्थाका जिम्मेवार व्यक्तिहरूको व्यक्तिगत आचरणलाई लिएर बदनियत गर्ने तत्वहरूको हालीमुहाली बढेको बताए । उनले विपन्न वर्गका महिलाहरूको जीविकोपार्जन गर्न दूरदराजमा गएर कार्यक्रम विस्तार गर्नु आफैँमा गौरवको विषय भएको बताए । साहुमहाजनको कर्जा तिर्न नसकेर, कमलरी–हलिया बस्नुपरेको अवस्थामा लघुवित्तहरूले जीविकोपार्जन गर्दै उघमी बनाउन महत्वपूर्ण भूमिका खेलेको बताए । उनले कर्मचारीहरूलाई अराजक गतिविधिको बेवास्ता गर्दै अनुशासित भएर ग्राहकलाई वित्तीय सेवा दिने जिम्मेवारी पूरा गर्न निर्देशन दिए ।
महिला अधिकार तथा विकास केन्द्रकी अध्यक्ष थापाले महिला लघुवित्तमा आबद्ध कर्मचारीहरूलाई वित्तीय अनुशासनमा ध्यान दिन आग्रह गरिन् । थापाले लघुवित्तबाट लिइसकेको कर्जा सदस्यले तिर्दिनँ भन्न नपाउने कानुनी व्यवस्था रहेको स्मरण गराउँदै आफूहरूले महिलालाई स्वरोजगार बनाउन विभिन्न समयमा तालिम प्रदान गर्दै आएको बताइन् । तालिममा विभिन्न ३५ शाखाका प्रमुखसहित ४५ जना कर्मचारीको सहभागिता रहेको थियो ।
क्याटेगोरी : बैंक बित्त बजार
ट्याग : #Page 6
ताजा अपडेट
- अन्तर्राष्ट्रिय औद्योगिक व्यापार मेलाको तयारी पूरा
- एनसेलकी एक्टिङ सीटीओ कंसाकार ‘नेसनल आइसिटी एक्सिलेन्स अवार्ड’ बाट सम्मानित
- नागरिक लगानी कोषले पाल्पा सिमेन्टको सेयर प्रत्याभूति गर्ने
- सन सेक्युरिटिजद्वारा नेपाली श्रमिकका लागि लाइफटाइम निःशुल्क रेमिट डिम्याट खाता सुरु
- सिटिजन्स बैंकका ग्राहकलाई विभिन्न संस्थामा छुट
- कोही किन गर्छ नेपालमा लगानी ?
- ३१औँ विश्व प्रेस स्वतन्त्रता दिवसका अवसरमा काठमाडौँमा प्रभातफेरी (तस्बिरहरु)
- समसामयिक राजनीतिक व्यङ्ग्य
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया