‘सहकारीले नाफाभन्दा बढी उत्पादनमा जोड दिनुपर्छ’
काठमाडौं । बागमती प्रदेशका श्रम, रोजगार तथा यातायातमन्त्री लक्ष्मण लम्सालले सहकारी संस्थाहरूले ऋण लगानीलाई परिवर्तन गर्दै लैजानुपर्ने बताएका छन् । जनसचेतन बचत तथा ऋण सहकारी संस्थाको ३०औँ साधारणसभाको उद्घाटन गर्दै मन्त्री लम्सालले सहकारी संस्थाले ऋण लगानी गर्दा उत्पादनमा जोड दिनुपर्ने बताए ।
सहकारीहरू धेरै नाफामुखी बन्न अनुत्पादक क्षेत्रमा लगानी गर्दा डुब्न पुगेको उनको भनाइ थियो । सहकारीले सीमित व्यक्तिलाई रोजगार दिनुभन्दा पनि अब सेयर सदस्यलाई आत्मनिर्भर बनाउनतर्फ उत्पादन क्षेत्रमा लगानी वृद्धि गर्नुपर्नेमा उनले जोड दिए । यस्तै, उनले सहकारी संघ संस्थाले एकीकृत पुँजी निर्माण गरेर निजी क्षेत्रमा लगानी वृद्धि गर्दै रोजगार वृद्धि गर्नुपर्ने बताए । कार्यक्रममा संस्थाका अध्यक्ष हेमन्त चौलागाईंले संस्थाको हालसम्मको प्रगति विवरण सार्वजनिक गरेका थिए । संस्थाको आर्थिक वर्ष २०७९/८० को असार मसान्तसम्म कुल सम्पत्ति तथा दायित्व दुई अर्ब २५ करोड ६० लाख रुपैयाँ पुगेको छ । यस अवधिमा संस्थाको सेयर पुँजी १६ करोड ६७ लाख रुपैयाँ छ भने कुल बचत निक्षेप एक अर्ब ६३ करोड नौ लाख रुपैयाँ रहेको छ ।
यस्तै, संस्थाको जगेडा तथा अन्य कोषमा २१ करोड ९३ लाख रुपैयाँ रहेको छ । संस्थाले कुल एक अर्ब ८२ करोड २७ लाख रुपैयाँ ऋण लगानी गरेको छ । यस्तै, संस्थाको आम्दानी छ दशलमव २० प्रतिशतले वृद्धि भएको अध्यक्ष चौलागाईंले बताए । संस्थाको कुल आम्दानी २६ करोड ७१ लाख रुपैयाँ पुगेको छ । यस्तै, खर्च भने १२ दशमलव सात प्रतिशतले वृद्धि भएको छ । सहकारीको विभिन्न शीर्षकमा २४ करोड ८५ लाख ५३ हजार पाँच सय ७६ रुपैयाँ खर्च भएको प्रतिवेदनमा उल्लेख छ । सहकारी संस्थामा २७ हजार छ सय आठ जना सेयर सदस्य र १० हजार तीन सय ३५ जना बाल सदस्य रहेका छन् । साधारणसभाको अवसरमा संस्थाले सेयर सदस्यलाई सम्मान गर्नुका साथै जेष्ठ सदस्यलाई स्टिलको लौरो वितरण गरेको थियो ।
क्याटेगोरी : सहकारी–कृषि
ट्याग : #page 20
ताजा अपडेट
- नीति तथा कार्यक्रम : गण्डकीका कुन-कुन योजना परे ?
- प्राइम सहकारीकाे एक अर्व ५४ कराेड हिनामिना, अध्यक्ष कार्कीसहित आठ पक्राउ
- नीति तथा कार्यक्रम सकारात्मक स: सत्ता पक्ष
- नीति तथा कार्यक्रम उत्साहप्रद : एमाले
- क्रिकेटर लामिछानको मुद्दा हेर्दाहेर्दैमा
- अदालती समयपछि पनि सन्दीपको मुद्दामा बहस जारी
- प्राइम सहकारी पनि डुब्यो, प्रहरीद्वारा उजुरी आह्वान
- शिक्षकले दलको सदस्य हुन नपाउने कानुनी व्यवस्था कडाइका साथ कार्यान्वयन गरिने
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया