आलु र दूध बिक्रीबाट दुई करोड ११ लाख आम्दानी
दोलखा । केही वर्षअघिसम्म बैतेश्वर–८ एवोका धेरै स्थानीय दैनिक गुजारा चलाउन ज्याला मजदुरी गर्न भारत जाने गर्दथे । तर हिजोआज यहाँका स्थानीयको दिनचर्या फेरिएको छ ।
गाउँमा स्थानीय कृषि सहकारीले कृषिमा लगानी गर्न थालेसँगै एवोका स्थानीयहरू हाल व्यावसायिक कृषि उत्पादनमा लागेका छन् । एवोका ९३ घरधुरी किसानले यस वर्ष मात्रै आलु बिक्रीबाट एक करोड ६८ लाख आम्दानी गरेका छन् । आलु उत्पादनको हिसाबले उर्वरभूमि मानिने एवोबाट मात्रै यस वर्ष झण्डै दुई करोड रुपैयाँ बराबरको आलु बिक्री भएको जनप्रेमी कृषि सहकारी संस्थाका अध्यक्ष टीकाबहादुर खत्रीले बताए । सो सहकारीले आलु खेती गर्ने किसानलाई सहुलियतपूर्ण ऋण उपलब्ध गराउने गरेको छ । संस्थाका अध्यक्ष खत्रीका अनुसार एवोबाट यस वर्ष तीन लाख ५२ हजार ३० केजी आलु काठमाडौं निर्यात गरेका छन् । त्यस्तै, आलुसँगै दूधमा पनि एवो आत्मनिर्भर बन्दै गएको छ । सहकारीको मासिक रिपोर्टअनुसार यहाँका किसानले ४० लाख ३२ हजार रुपैयाँ दूधबाट मात्रै आम्दानी गर्न सफल भएका छन् ।
यस गाउँका किसानले सहकारीको सहयोग पाएपछि कृषिलाई आम्दानीको मुख्य स्रोत बनाएको स्थानीय किसान शिवबहादुर कार्कीले बताए । कार्की एवोमा सबैभन्दा बढी आलु तथा दूध उत्पादन गरेर चौधौँपटक सम्मानित भएका किसान हुन् । उनले यस वर्ष पनि चार लाख ५० हजार रुपैयाँको आलु उत्पादन गरेको बताए । यस वर्ष उनले १३ हजार आठ सय ३७ केजी आलु फलाएका थिए । त्यस्तै, उनले दूधबाट पनि राम्रो आम्दानी गरेको बताए । दूध बेचेर करिब दुई लाख आम्दानी गरेको सुनाए । लम्कीस्किन रोगले गाई मरेका कारण दूध उत्पादन हिजोआज केही कमी भएको उनको भनाइ छ ।
त्यस्तै, सोही गाउँका रामचन्द्र कार्कीले तीन लाख ३५ हजार बराबरको आलु उत्पादन गरेका छन् भने पदम माया जिरेल र युकेन जिरेलले पनि तीन लाख रुपैयाँभन्दा बढीको आलु उत्पादन गरेका छन् । धेरै आलु उत्पादन गर्ने किसानहरूलाई जनप्रेमी कृषि सहकारी संस्थाले सम्मान समेत गर्ने गरेको छ । यस वर्ष पनि संस्थाले उत्कृष्ट किसानलाई सम्मान गरेको छ । किसानलाई बैतेश्वर गाउँपालिका अध्यक्ष छवि लामाले एक कार्यक्रमका बीच सम्मान गरेका थिए । कृषकलाई सम्मान गर्दै पालिका अध्यक्ष लामाले पालिकाले एवोका दूध उत्पादक किसानलाई दूधमा प्रतिलिटर दुई रुपैयाँ अनुदान दिँदै आएको बताए । उनले यस वर्षको हिउँदे अधिवेशनमा आलु पकेट कार्यक्रमका लागि अनुदान दिने तथा आगामी वर्ष आलुको बिऊ भण्डार गर्ने संकलन उपज केन्द्र निर्माण गर्ने बताए ।
क्याटेगोरी : सहकारी–कृषि
ट्याग : #Page 8
ताजा अपडेट
- नीति तथा कार्यक्रम : गण्डकीका कुन-कुन योजना परे ?
- प्राइम सहकारीकाे एक अर्व ५४ कराेड हिनामिना, अध्यक्ष कार्कीसहित आठ पक्राउ
- नीति तथा कार्यक्रम सकारात्मक स: सत्ता पक्ष
- नीति तथा कार्यक्रम उत्साहप्रद : एमाले
- क्रिकेटर लामिछानको मुद्दा हेर्दाहेर्दैमा
- अदालती समयपछि पनि सन्दीपको मुद्दामा बहस जारी
- प्राइम सहकारी पनि डुब्यो, प्रहरीद्वारा उजुरी आह्वान
- शिक्षकले दलको सदस्य हुन नपाउने कानुनी व्यवस्था कडाइका साथ कार्यान्वयन गरिने
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया