सान सोजुको माग बढ्दो, काठमाडौँसहित मुख्य सहरमा उपलब्ध

काठमाडौं । विश्वभर चर्चा कमाइरहेको कोरियाको पेय पदार्थ सोजु नेपाली बजारमा सान सोजुका रुपमा उत्पादन भइरहेको छ । छोटै समयमा सान सोजुले नेपाली उपभोक्ताहरुको मन जित्न सफल भएको छ । कोरियनस्तरका तथा सस्तो मूल्यमा बिक्रीवितरण भएकाले माग बढिरहेको उत्पादक कम्पनीले बताएको छ ।

कोरियमा राष्ट्रपतिदेखि आम उपभोक्ताहरुले सम्मानपूर्वक आत्मसात् गरेको सोजु नेपालमा आफ्नै ब्राण्डका साथ स्थापित हुँदै गएको छ । विगतमा निकै महंगो मूल्यमा कोरियाबाट नेपाल ल्याएर उपभोक्तामाझ पु-याउँदा तीन सय मिलिलिटरको सोजुको झण्डै एकहजार पर्ने गरेको तर हाल नेपालमै उत्पादन गर्दा त्यसको एक सय ७० मा मात्रै बिक्रीवितरण भइरहेको बताएको छ ।

लामो समयदेखि कोरियामा व्यवसाय गर्दै आएका नेपाली गैरआवसीय संघका अध्यक्ष विनोद कुँवरको लगानी र पहलमा बाँकेको कोहलपुरस्थित श्री न्यू एभरेष्ट डिस्टिलरी उद्योग प्रालिले सन् २०२१ बाट नेपालमै उत्पादन सुरु भएको छ । कोरियन प्रविधिबाट उत्पादन भइरहेको सान सोजुको काठमाडौंसहित देशका विभिन्न सहरमा माग बढ्नथालेको कम्पनीले बताएको छ ।

सान सोजुमा १७.२ प्रतिशत अल्कोहल मिसाइकोले त्यसको उपभोग गर्दा स्वास्थ्यलाई हानि नपु-याउने तथा त्यसलाई पिउँदा निक्खर (नेट) अर्थात् पानी नमिसाई चिसो तापक्रममा राखेको उचित हुने विज्ञहरुले बताएका छन् । रोचक कुरा त के छ भने यस पेय पदार्थ पिउनको लागि त्यसको छुट्टै किसिमको गिलासको पनि व्यवस्था गरिएको छ, जुन गिलास भरी नेट पेय राख्ने र एक सुर्कामै पिउनुपर्ने हुन्छ । जुन गिलास उपयुक्त ढाँचामा विदेशमा उत्पादन भइरहेको र छिट्टै नेपालमा आउन लागेको उत्पादकले बताएको छ ।

सान सोजुको वितरक (एनडी) हिमालयन सान सोजु प्रालिका अनुसार सुरुमा एक हजार कार्टुनबाट उत्पादन सुरु गरेको सान सोजुको माग क्रमशः बढ्नथालेको छ । सोजु काठमाडौँ उपत्यकाका सबै बिग मार्ट स्टोरसहितका अन्य डिपार्टमेन्टल स्टोरमा पाइन्छ ।

बिग मार्ट र सेल्वेजले सुरुमा केही स्टोरमा मात्रै राखेको र माग बढ्न थालेपछि अहिले उपत्यकाका सबै स्टोरमा राखेको कम्पनीले जनाएको छ । दिनमा तीन हजार कर्टुन उत्पादन क्षमता भए पनि अहिले मागअनुसार मात्रै उत्पादन गर्ने गरेको कुँवरले बताए ।

सोजु हालसम्म काठमाडौं उपत्यकासहित पोखरा, बुटवल, बेनी, जोमसोम, तुल्सीपुर, वीरेन्द्रनगर, धनगढी, नवलपुर, नारायणगढ, सिमरा, चन्द्रनिगाहपुर, इटहरी, धरान, दमकलगायतका सहरमा पनि पुगिसकेको छ । कम्पनीका अनुसार देशका सातै प्रदेशका दुर्गम जिल्लाहरूमा समेत सान सोजुको बिक्री सुरु भइसकेको छ । विशेषगरी नेपालमा रहेका कोरियन नागरिक, कोरियाबाट फर्केका नेपाली, मुख्य ग्राहक हुन् भने चर्चित ब्राण्ड भएकोले अन्य नेपालीहरुले पनि सोजु पिउन थालेका छन् ।