हुन्डाईले ईभी इकोसिस्टम विकास गर्न लगानी गर्ने

काठमाडौं । दक्षिण कोरियाली अटो कम्पनी ‘हुन्डाई’ले भारतको तमिलनाडु राज्यमा आफ्नो दीर्घकालीन लगानी योजना घोषणा गरेको छ । कम्पनीले आगामी १० वर्षको अवधिमा चरणबद्ध रूपमा २० हजार करोड रुपैयाँ लगानी गरेर विद्युतीय सवारी साधनहरू र बाहन प्लेटफार्मको आधुनिकीकरण गर्नेछ । उक्त लगानीका लागि हुन्डाई मोटर्स इन्डियाको सीईओ उन्सु किम र गाइडेन्सका सिईओ भी विष्णुबीच तमिलनाडुका मुख्यमन्त्री एमके स्टालिनको उपस्थितिमा हस्ताक्षर भएको थियो ।

कार्यक्रममा उन्सु किमले तमिलनाडुलाई भारतमा हुन्डाईको विद्युतीय सवारी उत्पादनको आधारको रूपमा विकास र स्थापना गर्ने योजनालाई अन्तिम रूप दिएको बताए । कोरियाली अटो निर्माताले तमिलनाडु सरकारको विद्युतीय गतिशीलतातर्फ राज्यको दिगो प्रणाली निर्माण गर्ने दृष्टिकोणको रणनीतिक साझेदार बन्ने लक्ष्य राखेको छ ।

हुन्डाईले एक लाख ७८ हजार ब्याट्रीहरू जम्मा गर्न वार्षिक क्षमताको ब्याट्री प्याक एसेम्बली इकाई स्थापना गर्नेछ । यस्तै, छ वर्षको अवधिमा प्रमुख राजमार्गहरूमा प्रमुख स्थानहरूमा १०० ईभी चार्जिङ स्टेसनहरू स्थापना गर्नेछ । यसमा ५ डुअल अल्ट्रा–फास्ट चार्जिङ स्टेसनहरू, १० सिंगल फास्ट चार्जिङ स्टेसनहरू र ८५ एकल फास्ट चार्जिङ स्टेसनहरू समावेश छन् । हुन्डाई मोटर इन्डियाले कुल उत्पादन मात्रालाई वार्षिक आठ लाख ५० हजार युनिटमा पु-याउने र श्रीपेरुम्बुदुरमा रहेको आफ्नो कारखानाबाट नयाँ विद्युतीय र आईसीई सवारी साधनहरू उत्पादन गर्ने जनाएको छ ।