‘एक्स’मा खाता ब्लक हुने फिचर हटाउने मस्कको घोषणा

अमेरिका । ट्विटरबाट ‘एक्स’मा परिणत भएको सामाजिक सञ्जालका मालिक एलोन मस्कले प्रायोगकर्तालाई ब्लक गर्न मिल्ने फिचर हटाउने घोषणा गरेका छन् । एक्समा खाता ब्लक हुँदा प्रयोगकर्ताहरुलाई ती खातामा सम्पर्क गर्न, पोस्टहरु हेर्न वा तिनीहरुलाई पछ्याउन सकिँदैन । मस्कले प्लेटफर्ममा एक पोस्ट गर्दै एक्समा चाँडै नै ब्लक गर्ने सुविधा हटाइने बताएका हुन् ।

उनले यो सुविधाको कुनै काम नभएको र सिधै म्यासेज ब्लक गर्ने सुविधा भने रहने बताएका छन् । एक्सका प्रयोगकर्ताले मस्कको यो घोषणाको आलोचना र प्रशंसा गरिरहेका छन् । केहीले आफ्नो टाइमलाइनबाट अपमानजनक पोस्ट हटाउन कठिन हुने टिप्पणी गरेका छन् ।