चीनमा ब्याजदर कटौती
चीन । चीनको केन्द्रीय बैंकले ब्याजदर कटौती गरेको छ । पिपुल्स बैंक अफ चाइनाले कर्पोरेट कर्जाका लागि एकवर्षे ऋणको ब्याजदर तीन दशमलव ५५ प्रतिशतबाट शून्य दशमलव १० प्रतिशत विन्दु घटाएर तीन दशमलव ४५ प्रतिशतमा झारेकोे छ । पाँच वर्ष वा सोभन्दा बढी अवधिको कर्जाको ब्याजदर भने चार दशमलव २० प्रतिशतमा नै कायम राखेको छ ।
कोभिड–१९ पछि चीनले आर्थिक वृद्धिदरमा सुस्तताको सामना गरिरहेको छ । यही कारण चीनमा ब्याजदर घटाउन विज्ञहरुले सुझाव दिँदै आएका थिए । अर्थतन्त्रलाई पुनर्जीवित गर्न भन्दै चीनको केन्द्रीय बैंकले गत मंगलबार वित्तीय संस्थाहरूलाई प्रदान गर्ने मध्यमकालीन ऋण सुविधाको दर घटाएको थियो ।
चीनले आन्तरिक अर्थतन्त्र सुधार्न गरेको यो प्रयास मुद्रास्फीति नियन्त्रण गर्न विश्वभर ब्याजदर बढिरहेको अवस्थाको विपरीत छ । यो निर्णयबाट वाणिज्य बैंकहरूलाई बढी प्रोत्साहन गर्ने विश्वास केन्द्रीय बैंकको छ ।
चीनमा अहिले कोभिड–१९को कुनै असर छैन । तर, उपभोग घटेपछि चिनियाँ अर्थतन्त्रका विभिन्न सूचकहरू खुम्चिँदै गएको तथ्यांकहरूले देखाएको छ । उपभोग घटेपछि औद्योगिक क्रियाकलापमा पनि असर परेको छ । यही कारण अहिले चीनले बेरोजगारीको पनि समना गरिरहेको छ । गत मंगलबार सार्वजनिक भएको जुन महिनाको तथ्यांकले पनि चीनमा युवा बेरोजगारी दर बढेको देखाउँछ । जुन महिनाको तथ्यांकमा चीनमा २३ दशमलव ३० प्रतिशत बेरोजगारी दर छ ।
क्याटेगोरी : विश्व बजार
ट्याग : #Page 5
ताजा अपडेट
- अनुदानको मल व्यापारीलाई बेच्ने सहकारीलाई बैतेश्वर गाउँपालिकाले कारबाही गर्ने
- मिड सोलु हाइड्रोपावरको सेयर रजिस्ट्रारमा एनआईसी एसिया क्यापिटल
- हिमालयन रिको प्रमुख कार्यकारीमा पौडेल
- नबिल बैंकको नयाँ शाखा मोरङमा
- एमसीसीकी सिइओ एलिस र पूर्व प्रधानमन्त्री देउवाबीच भेटवार्ता
- आईएमई पेबाट एसआईपी भुक्तानी
- गुल्मीको इन्द्रेगौँडामा ग्लोबल आईएमईको एक्सटेन्सन काउन्टर
- सांसदको दायित्व देशमा गुणस्तरीय कानुन बनाउने : नेत्री अग्रहरी
धेरैले पढेको
- बहसमा कर्मचारी अवकाश उमेरहद
- अख्तियारका पूर्वआयुक्त पाठक भ्रष्टाचारी ठहर
- नक्कली भुटानी शरणार्थी प्रकरणमा आरजु र सिटौलालाई पक्राउ गर्न गृहमन्त्री श्रेष्ठको निर्देशन
- बाँझो जग्गामा सामूहिक आलु खेती
- किन संस्थानहरू उँभो लाग्दैनन् ?
- काठमाडौं महानगरः बालेन तिमी सेलिब्रिटी हुने कि नेता ?
- अर्थमन्त्री पौडेलले कसरी बढाउलान् आम्दानी र पुँजीगत खर्च ?
- बढ्दो वित्तीय लगानी र घट्दो अर्थतन्त्र
तपाईको प्रतिक्रिया