श्रीलंकामा पिउने पानीको अभाव

श्रीलंका । खडेरीका कारण श्रीलंकामा पिउने पानीको अभाव भएको छ । श्रीलंकाको विपत् व्यवस्थापन केन्द्र (डीएमसी)ले मंगलबार गराएको जानकारीअनुसार करिब दुई लाख ५० हजार श्रीलंकालीहरू पिउने पानीको अभाव सामना गरिरहेका छन् ।

डीएमसीले आफ्नो पछिल्लो प्रतिवेदनमा देशको उत्तरी र पूर्वी प्रान्तमा खानेपानीको चरम अभाव भएको बताएको छ । मौसम विज्ञान विभागले असोजसम्म वर्षा खासै नहुने जनाएको छ । यही कारण श्रीलंकामा पिउने पानीको अभाव झनै बढेर जाने जोखिम देखिएको छ ।

श्रीलंकाको राष्ट्रिय पानी आपूर्ति र ड्रेनेज बोर्डले शुद्ध पिउने पानी आपूर्ति गर्ने क्षमता नौ प्रतिशतमा झरेको जनाएको छ । बोर्डले श्रीलंकाली जनतालाई पानीको प्रयोग कम गर्न समेत सुझाएको छ ।