कञ्चनपुर । जिल्ला ट्राफिक प्रहरी कार्यालय कञ्चनपुरको आर्थिक वर्ष २०७६/०७७ को तुलनामा गत आव २०७७/०७८ मा झण्डै दुई गुना बढी राजस्व संकलन गरेको छ । कार्यलयले अघिल्लो आवमा भन्दा गत आवमा ३० लाख बढी राजस्व संकलन गरेको हो ।
गत आर्थिक वर्षमा ७७ लाख २८ हजार पाँच सय राजस्व रकम संकलन गरेको कार्यलयले आव २०७६/०७७ मा ४७ लाख ७१ हजार रूपैयाँ राजस्व संकलन गरेको थियो । त्यसअघि २०७५/०७६ मा ६८ लाख आठ हजार पाँच सय राजस्व संकलन गरिएको थियो । जिल्ला ट्राफिक प्रहरी कार्यालयका नयाँ इन्चार्ज ट्राफिक प्रहरी निरीक्षक केशवराज भट्टले कार्यालय सम्हालेपछि गत वर्ष फेरि राजस्व बढाएका हुन् । उनी गत असोजदेखि ट्राफिक इन्चार्ज छन् ।
आव २०७६/०७७ राजस्व असुली कम हुनुमा कोरोना महामारी संक्रमणलाई देखाएको थियो । पहिलो पटक २०७६ फागुनमा महामारी फैलिएपछि चैत ११ गतेदेखि जेठसम्म लकडाउन गरिएको थियो । गत वर्ष पनि चैतदेखि जेठसम्म लकडाउन गरिएको हो । ट्राफिक प्रहरी कार्यालयले गत वर्ष भने कोरोना महामारी संक्रमणमा पनि ३० लाख बढी राजस्व संकलन गरेको छ । ट्राफिक प्रहरी कार्यालयका इन्चार्ज ट्राफिक प्रहरी इन्चार्ज केशवराज भट्टले सवारी नियम मिच्ने सवारी साधनलाई कारबाही गरी राजस्व संकलन गरिएको बताए । ‘कारबाहीबाट यो राजस्व संकलन गरिएको हो’ उनले भने, ‘कारबाहीमा बढी सवारीसाधन परेका छन् ।’
कार्यालयका अनुसार गत वर्ष १३ हजार सात सय ५९ सवारीसाधन कारबाहीमा परेका छन् । पछिल्ला तीन वर्षमा सबैभन्दा बढी सवारी गत वर्ष कारबाहीमा परेका हुन् । अघिल्लो वर्ष २०७६/०७७ मा आठ हजार तीन सय ९९ सवारीलाई कारबाही गरिएको थियो । आर्थिक वर्ष २०७५/०७६ मा १२ हजार १० सवारीमाथि कारबाही गरिएको थियो ।
ट्राफिक प्रहरीलाई ट्राफिक नियम उल्लंघन गर्ने सवारीलाई पाँच सयदेखि एक हजार पाँच सय रूपैँयासम्म जरिवाना गर्ने अधिकार छ । त्यसभन्दा बढीको जरिवाना गर्ने अधिकार यातायात व्यवस्था कार्यालयलाई छ । कारबाही पर्नेमा सबैभन्दा बढी मोटरसाइकल छन् । हेल्मेट नलगाउने, सवारी चालक अनुमतिपत्रसहित कागजात नबोक्ने, दुईभन्दा बढी यात्रु बोक्ने, गैरप्रयोजनमा प्रयोग गर्नेलगायतका नियम मोटरसाइकलले उल्लंघन गर्दै आएका छन् । लाझाडी गाउँपालिकाबाहेक सबै स्थानीय तहमा ट्राफिक प्रहरी पुगेका छन् । कञ्चनपुरमा ५२ जना ट्राफिक प्रहरी परिचालन गरिएका छन् ।
क्याटेगोरी : समाचार
ताजा अपडेट
- मधेश प्रदेशः १० महिनामा करिब १९ प्रतिशत खर्च
- कार्यदलको बैठक निष्कर्षविहीन, शुक्रबार बिहान पुनः बस्ने
- बजेटमा कृषि क्षेत्र उच्च प्राथमिकतामाः प्रधानमन्त्री
- ‘चिकित्सा जनशक्ति उत्पादनमा स्वास्थ्य विज्ञान संस्थानको योगदान सराहनीय’
- सञ्चारमन्त्री शर्माद्वारा ‘गणतन्त्र दिवस तस्बिर प्रदर्शनी’ उद्घाटन
- जिप दुर्घटनामा १२ जना घाइते
- विश्वभर बुद्धधर्मको महत्व छ: परराष्ट्रमन्त्री श्रेष्ठ
- निर्णायक राष्ट्रिय शक्तिको रूपमा एमालेलाई स्थापित गर्नुपर्छ: मुख्यमन्त्री अधिकारी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया