‘लकडाउन’ अवधिमा सोलुखुम्बुमा २२ जनाले ज्यान गुमाए
महेन्द्र शाही
सोलुखुम्बु, जेठ २९
सोलुखुम्बुमा लकडाउन अवधिमा विभिन्न कारणले एक प्रहरी हवल्दारसहित २२ जनाको ज्यान गएको छ । प्रहरीका अनुसार ज्यान गुमाउनेमा १६ जना पुरुष र ६ जना महिला रहेका छन् । उनीहरुको विभिन्न कारणले मृत्यु भएको जिल्ला प्रहरी कार्यालय सोलुखुम्बुले जनाएको छ । जिल्ला प्रहरी कार्यालय सोलुखुम्बुका निमित्त प्रमुख प्रहरी निरीक्षक महेन्द्र दर्नालका अनुसार भवितव्यमा परी १० जनाको मृत्यु भएको छ भने आत्महत्या गरेर ज्यान गुमाउनेको संख्या १२ रहेको छ । आत्महत्यामा पनि झुण्डिएर आत्महत्या गर्ने ११ जना र विष सेवन गरी आत्महत्या गर्ने एक जना रहेको प्रहरीले जनाएको छ ।
जिल्लामा मृत्यु भएकाहरूमध्ये सबैभन्दा बढी ३० देखि ४० वर्ष उमेर समूहका छन् । सोलुखुम्बुमा आत्महत्या गर्नेको संख्या निकै बढिरहेको प्रहरीको भनाइ छ । जिल्ला प्रहरी कार्यालय सोलुखुम्बुका अनुसार ज्यान गुमाउनेहरूमा सोलुदूधकुण्ड नगरपालिकाका ६ जना छन् । त्यस्तै महाकुलुङ, सोताङ, थुलुदूधकोशी र माप्यदूधकोशी गाउँपालिकाभित्रका ४÷४ जनाले ज्यान गुमाएका छन् । यता सोताङ गाउँपालिकाभित्रका २ र नेचा सल्यान गाउँपालिकामा १ जनाले ज्यान गुमाएको प्रहरीको भनाइ छ । ज्यान गुमाउनेहरूमा सिद्धिचरण नगरपालिका ओखलढुंगाबाट सोताङ आएका एक युवक छन् भने सुनसरी घर भई अस्थायी प्रहरी चौकी दोर्पुमा कार्यरत प्रहरी हवल्दारसमेत रहेको प्रहरी निरीक्षक दर्नालले जानकारी दिए । उनीहरू दुव्ै जनाको भवितव्यले ज्यान गएको प्रहरीको भनाइ छ ।
क्याटेगोरी : बिबिध
ताजा अपडेट
- पर्यटन क्षेत्रका नीतिगत व्यवस्थालाई सुधार गरी लगानीमैत्री बनाउछौं: मन्त्री तामाङ
- महोत्तरीमा दिनहुँजसो आगलागी
- शुन्य दशमलव शुन्य सात अंकले उक्लियो सेयर बजार
- धनुषामा पानीको अभाव भएपछि दमकलले पानी वितरण गरिँदै
- आगामी बजेटले जोखिममा परेका महिला, बालबालिकालाई समेट्छ : मन्त्री चौधरी
- बझाङ उपनिर्वाचनः एमालेका भण्डारी विजयी
- काठमाडौं महानगरद्वारा मटिहानीका आगलागी पीडितलाई १० लाख सहयोग
- छिमेकको छोरीको हत्या गरेको आरोपमा आमाछोरी पक्राउ
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया