शंकर लुईटेल
विराटनगर, पुस १७
सरकारले दिएको लक्ष्यअनुसारको राजस्व संकलन गर्न नसकेको विराटनगर भन्सारको आलोचना भइरहेका बेला पछिल्लो समय कर्मचारी मनोमानीले कारोबारी व्यवसायीहरू त्रसित हुन थालेका छन् । विराटनगर भन्सार नाका भएर आयात हुँदै आएका तेस्रो मुलुक तथा भारतीय बजारबाट नेपाल भित्रिने मालसामानमा भन्सारमा रहेको मूल्याङ्कनले जथाभावि भन्सार मूल्याङ्कन गरिदिने गरेका कारण व्यवसायीहरूले भन्सार नाका नै परिवर्तन गर्न थालेको बताएका छन् ।
भन्सार मूल्याङ्कनकै विषयमा भन्सार कर्मचारी र व्यवसायीबीच केही दिनअगाडि भन्सार परिसरमा भएको भन्सार मूल्याङ्कनको कारण विराटनगर भन्सार नाका प्रयोग गर्दै तेस्रो मुलुक र भारतीय बजारबाट ट्रेडिङमार्फत नेपालमा चकलेटलगायतका अन्य वस्तु आयात गर्ने व्यवसायीहरूले वीरगञ्ज भन्सारबाट कारोबार सुरु गर्न थालेका छन् । विराटनगर भन्सारको भन्सार मूल्याङ्कन हेर्ने जिम्मेवारी पाएका भन्सार अधिकृत मणिराम पौड्यालले भन्सार मूल्याङ्कनकै अर्का कर्मचारी सन्तोष माझीमार्फत व्यवसायी र माझीबीच सहमति भएपछि मात्र भन्सार मूल्याङ्कन हुने अवस्था रहेको समाचारस्रोतले बताएको छ ।
भन्सार अधिकृत पौड्यालकै निर्देशनमा भारत तथा तेस्रो मुलुकबाट आयात भएका मालवस्तुको खाद्य परीक्षण र अन्य आयातित वस्तुको नमुना समेत भन्सारमा राख्ने निर्देशन भएको छ भन्दै सोही फाँटका माझीले आवश्यकताभन्दा ठूलो परिमाणमा मालसामान झिक्ने गरेका छन् । भन्सार मूल्याङ्कनको विषयलाई लिएर भन्सार अधिकृत पौड्यालले तिनै कर्मचारी सन्तोष माझीमार्फत माथिसम्म मिलाउनु पर्छ भन्दै व्यापक आर्थिक संकलन गरिरहेको पाइएको छ ।
विराटनगर भन्सारमा पटक–पटक विवादमा तानिदै आएका भन्सार अधिकृत पौड्याल विगतमा विराटनगर भन्सारको प्रवक्तामा रहेका समय कुनै चलखेलसम्म गर्न नसकेपछि पछिल्लो समय कार्यालय प्रमुखमा शिव भण्डारी आउनासाथ भन्सारको मूल्याङ्कन फाँटमा पुगेर व्यवसायीलाई धेरै नै दुःख दिन थालेका छन् । विराटनगर भन्सारको भन्सार मूल्याङ्कनमा भएको आर्थिक चलखेलका विषयमा प्रमुख भन्सार अधिकृत शिव भण्डारीसँग वास्तविकता बुझ्न कार्यालयमा सम्पर्क राख्दा उनी सम्पर्कमा आउन चाहेनन् ।
क्याटेगोरी : समाचार
ताजा अपडेट
- सहकारीले बैङ्कभन्दा ठूलो कारोबार गर्दा समस्या आयो : मन्त्री अधिकारी
- बैंकभन्दा ठूलो कारोबार गर्दा सहकारीमा समस्या आयो : मन्त्री अधिकारी
- चिनीको मूल्यमा स्थिरता कायम गर्न मन्त्री भण्डारीसमक्ष रास्वपाको माग
- प्रा. पोखरेल त्रिवि पत्रकारिता विभागको प्रमुखमा
- दुई दशमलव शुन्य छ अंकले उक्लियो सेयर बजार
- जतिसक्दो चाँडो सञ्चारसम्बन्धी ऐन ल्याउने तयारीमा सरकार: सञ्चारमन्त्री
- शिक्षा मन्त्रालयले विद्यार्थीको सिकाइ उपलब्धिलाई ध्यानमा राखेर कार्यक्रम सञ्चालन गर्ने
- शेयर बजारको ओरालो यात्रा रोकियो, आज २ अंकको वृद्धि
धेरैले पढेको
- प्राधिकरणका एमडी कुलमानको अकुत सम्पत्ति लुकाउन सम्पूर्ण परिवार नै संलग्न
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया