नबिल बैंकले ३५ दशमलव २६ प्रतिशत लाभांश दिने
काठमाडौँ ।
नबिल बैंकले करसहितको कुल ३५ दशमलव २६ प्रतिशत लाभांश वितरण गर्ने घोषणा गरेको छ । बैंकको यही पुुस छ गते सम्पन्न भएको सञ्चालक समितिको पाँच सय ५२औं बैठकले बैंकको आव २०७६/७७ को मुनाफामध्येबाट सेयरधनीहरूलाई कर सहितको कुल ३५ दशमलव २६ प्रतिशत लाभांश (३३ दशमलव पाँच प्रतिशत बोनस सेयर अर्थातु १०० कित्ताबराबर ३३ दशमलव पाँच कित्ता तथा कर प्रयोजनको निमित्त एक दशमलव ७६ प्रतिशत नगद लाभांश) वितरण गर्ने घोषणा गरेको हो । उक्त प्रस्तावित लाभांश नेपाल राष्ट्र बैंक तथा बैंकको आगामी ३६औं वार्षिक साधारणसभाको स्वीकृतिपश्चात् आवश्यक प्रक्रिया पूरा गरी वितरण गरिने बैंकले जानकारी दिएको छ ।
बैंकले आव २०७६/७७ मा निजी क्षेत्रका बैंकहरूमध्ये उच्चतम मुनाफा तीन अर्ब ४६ करोड हासिल गर्न सफल भएको छ । बैंकले जेथामा प्रतिफल १३ दशमलव ६१ प्रतिशत र प्रतिसेयर आम्दानी ३६ रुपैयाँ १६ पैसा हासिल गरी आफ्नो वासलात विस्तार गर्दै दुुई खर्ब ३८ अर्ब पु-याएको छ । बैंकको सञ्चालन मुनाफा पाँच अर्ब नौ करोड रहेको छ । आव २०७५/७६ मा वित्तीय क्षेत्रबाट ठूला करदाताहरूमध्ये सबैभन्दा बढी आयकर बुझाउन सफल बैंकको रूपमा नबिल बैंक स्थापित भएको छ ।
यस बैंकले आधुनिकीकरणलाई आत्मसात गर्दै डिजी बैंकको अवधारणालाई समेत अवलम्बन गरेको छ । नबिल बैंकले एक सय १९ वटा शाखाहरू, एक सय ८५ वटा एटीएमहरूको विशाल संरचना र १५ सयभन्दा बढी नबिल रेमिट एजेन्टहरूका साथमा देशव्यापीरूपमा र विश्वभर धेरै एजेन्टहरूमार्फत सेवा प्रदान गरेर आफ्ना सबै सरोकारवालाहरूसँग अघि बढ्ने विश्वास राखेको छ ।
क्याटेगोरी : बैंक बित्त बजार
ताजा अपडेट
- ‘हिमाललाई पीडा’ दिइएको भन्दै सर्वोच्च अदालतद्वारा जारी आदेशका तीन खास कुरा
- गभर्नर जनरलसमक्ष ओहोदाको प्रमाणपत्र प्रस्तुत
- आइसिसी टी–२० विश्वकपका लागि रोहित पौडेलको कप्तानीमा नेपाली टोलीको घोषणा
- देशका पहाडी क्षेत्रमा आंशिक बदली, बाँकी भागमा मौसम सफा रहने
- साढे चार प्रतिशतको आर्थिक वृद्धिदर हासिल गर्छौं : अर्थमन्त्री पुन
- श्रमिकको सीपमा लगानी गर्नुपर्छ स् श्रममन्त्री अर्याल
- नेपाल वेस्ट इन्डिज ‘ए’सँग पराजित
- बौद्धिक जनशक्तिको पलायन रोक्न स्वदेशमा रोजगारी उपलब्ध गराइने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया