नयाँ दिल्ली, पुस २९
चर्चित अनलाइन खुद्रा बिक्रेता अमेजनका प्रमुख जेफ बेजोज अर्को हप्ता भारत आउने भएका छन् । तर उनले साना व्यापारीको विरोधको सामना गर्नुपर्ने रोयटर्सले जनाएको छ । व्यापारीहरुले उनी आउने भएपछि सांगठनिक विरोधको तयारी गरेका हुन् । बेजोजले भारतमा सरकारी अधिकारीसँग भेटवार्ता गर्ने बताइएको छ । त्यसपछि भारतीय राजधानी नयाँ दिल्लीमा हुने अमेजन इभेन्टमा उनी सहभागी हुनेछन् । उक्त कार्यक्रममा साना र मध्यम खालका उद्यमीहरुसँग उनले छलफल गर्नेछन् ।
भारत भ्रमणका सिलसिलामा बेजोजले प्रधानमन्त्री र अन्य सरकारी अधिकारीसँग पनि अनलाइन व्यवसायबारे छलफल गर्ने बताइएको छ । यद्यपि अमेजनले भ्रमणबारे केही बताइसकेको छैन । भारतको द कन्फेडेरेसन अफ अल इन्डिया ट्रेडर्सले विरोध गर्ने बताएको छ । उक्त संघमा ७ करोड व्यवसायी छन् । उनीहरुले बेजोज भारतमा रहँदा करिब ३ सय सहरमा प्रदर्शन गर्नेछन् । सन् २०१५ यता संघले अमेजन र वालमार्टको फ्लिपकार्टविरुद्ध विरोध गर्दै आएको छ ।
दुवै कम्पनीले धेरै छुट दिएको र भारतको विदेशी लगानी नियम उल्लंघन गरेको आरोप संघले लगाउँदै आएको छ तर दुवै कम्पनीले आरोपको खण्डन गर्दै आएका छन् । आफूहरुले हजारौँ साना बिक्रेता, महिला उद्यमीलाई व्यावसायिक अवसर सृजना गरेको कम्पनीले दाबी गर्दै आएको छ । संघले गर्ने विरोध शान्तिपूर्ण प्रदर्शन र -याली हुनेछ । संघले करिब १ लाख व्यापारीलाई सडकमा उतार्ने लक्ष्य राखेको छ ।
अमेरिकी खुद्रा कम्पनी अमेजन र वालमार्टको लागि भारत मुख्य बजार हो । कम्पनीले दिने भारी छुटकै कारण ग्राहकले साना किराना सामग्रीदेखि ठूला विद्युतीय उपकरणसमेत अनलाइनबाटै मगाउने गरेका छन् । यसले भारतीय व्यवसायीलाई घाटा पु-याएको बताइएको छ । नयाँ दिल्लीले गत वर्ष १३ करोड मानिसमा आश्रित साना खुद्रा कम्पनीलाई संरक्षण गर्न ठूला कम्पनीलाई छुटमा कडाइ गर्ने नियम लागू गरेको थियो ।
क्याटेगोरी : विश्व बजार
ताजा अपडेट
- नेपालमा पेट्रोलियम पदार्थ पत्ता लगाउन अन्तिम चरणको ‘ड्रिलिङ’ गरिँदै, हालसम्मको उपलब्धि के?
- पाँच वर्षपछि नेपालमा लगानी सम्मेलन, प्रधानमन्त्रीले लगानीकर्तालाई देखाएका अवसर कस्ता
- इलाम उपनिर्वाचनः फाकफोकथुम–१,२ , ३ र ४ को मतगणना सकियो
- पहिचानसहितको नागरिकता पाउनुपर्ने यौनिक तथा लैङ्गिक अल्पसङ्ख्यक समुदायको माग
- दोहोरो अंकले उक्लियो सेयर बजार
- हिमाञ्चल प्रदेशमा बहादुरसिंहको शालिक अनावरण
- हालसम्म मकवानपुरमा डेङ्गु सङ्क्रमितबाट एक जनाको मृत्यु
- इलाम उपनिर्वाचन: फाकफोकथुम–१ को मतगणना सकियो
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया