५० बढी वस्तुमा आयात शुल्क बढाउँदै भारत
नयाँ दिल्ली, माघ १३
भारतले ५० भन्दा बढी वस्तुको आयात शुल्क बढाउने तयारी गरेको छ । ती वस्तुहरुमा विद्युतीय सामान, केमिकल र हस्तकलाका वस्तुहरु पर्ने रोयटर्सले जनाएको छ । समाचारअनुसार ५६ अर्ब डलर मूल्यका चिनियाँ र अन्य देशका सामानमा यस्तो शुल्क वृद्धिको तयारी गरिएको छ । वित्तमन्त्री निर्मला सीतारमणले वार्षिक बजेट फेब्रुअरी १ मा सार्वजनिक गरेपछि यस्तो कदम चालिनलागेको हो ।
आर्थिक वृद्धिदरलाई लयमा ल्याउन भारतले यस्तो कदम चाल्ने बताइएको छ । नयाँ शुल्क विशेषगरी मोबाइल चार्जर, औद्योगिक केमिकल, बत्तीहरु, फर्निचर, मैन, गरगहना र हस्तकलामा लागू हुनेछन् । यसको मारमा चार्जर आयात गर्ने स्मार्टफोन निर्माताहरु पर्न सक्नेछन् । त्यस्ता वस्तुमा ५ देखि १० प्रतिशतसम्म आयात शुल्क बढ्ने बताइएको छ । अर्थ मन्त्रालयले यस्तो प्रस्ताव गरेको सरकारी स्रोतलाई उद्धृत गर्दै रोयटर्सले जनाएको छ ।
अनावश्यक सामग्री आयात घटाउन यस्तो कदम चालिनलागेको हो । यसबारे भारतले औपचारिक धारणा सार्वजनिक गरेको भने छैन । सन् २०१४ मा सरकार सम्हालेयता प्रधानमन्त्री नरेन्द्र मोदीले आयातमा कडाइ गर्नुका साथै उत्पादन, रक्षा र अन्य क्षेत्रमा विदेशी लगानी भित्र्याइरहेका छन् । गत जुलाईमा पनि भारतले ७५ वस्तुमा आयात कर बढाएको थियो । जसमा सुन र अटोमोबाइल पार्टहरु समावेश थिए ।
भारतको आयात निर्यातभन्दा द्रुतगतिमा भइरहे पनि अप्रिल डिसेम्बर अवधिमा ८.९० प्रतिशतले घटेको छ । निर्यात पनि उक्त अवधिमा २ प्रतिशतले घटेको छ । यसले मोदी सरकारलाई १ खर्ब १८ अर्ब डलरमा व्यापारघाटा झार्न सहयोग पुगेको छ । १ वर्षअघि भारतको व्यापारघाटा १ खर्ब ४८ अर्ब डलर रहेको थियो ।
क्याटेगोरी : विश्व बजार
ताजा अपडेट
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
- नेकपा एमाले पर्साको अध्यक्षमा डा. विश्वम्भर शर्मा निर्विरोध चयन
- एक लाख बीमितको कार्ड जारी गर्दै काठमाडौँ महानगर
- पोलियोविरुद्ध खोप देशभरि बालबालिकालाई लगाइँदै
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया