पहिलो महिनामा झण्डै २ खर्ब सहुलियतपूर्ण कर्जा वितरण
काठमाडौं । नेपाल राष्ट्र बैंकले पहिलो महिना (साउन)मा सहुलियतपूर्ण कर्जास्वरुप झण्डै दुई खर्ब रुपैयाँ वितरण गरेको छ । राष्ट्र बैंकले सहुलियतपूर्ण कर्जा सबैभन्दा बढी व्यावसायिक कृषि तथा पशुपन्छी व्यवसाय र सबैभन्दा कम सीटीईभीटीबाट अनुमति लिएका संस्थाबाट तालिमका लागि प्रदान गरेको छ । उसले साउनमा व्यावसायिक कृषि तथा पशुपन्छी व्यवसायको लागि एक खर्ब १२ अर्ब ७४ करोड र सीटीईभीटीबाट अनुमति लिएका संस्थाबाट तालिमका लागि ३० हजार सहुलियतपूर्ण कर्जा प्रदान गरेको छ ।
यस्तै सोही समयमा महिला उद्यमशीलता कर्जा ५५ अर्ब ७८ करोड ७५ लाख, कपडा उद्योगहरुका लागि दुई अर्ब २७ करोड २८ लाख, दलित समुदाय व्यवसाय विकासका लागि ६० करोड ६७ लाख, विदेशबाट फर्केका युवा परियोजना कर्जा ६० करोड ७७ लाख, शिक्षित युवा स्वरोजगार कर्जा छ करोड ३४ लाख, भूकम्पपीडितहरुको निजी आवास निर्माणको लागि पाँच करोड ४२ लाख, उच्च र प्राविधिक तथा व्यावसायिक शिक्षाको लागि दुई करोड ८९ लाख, युवा स्वरोजगारको लागि ३१ लाख र सीटीईभीटीबाट अनुमति लिएका संस्थाबाट तालिम प्रदान गर्नका लागि तीन लाख रुपैयाँ कर्जास्वरुप प्रदान गरेको छ ।
सहुलियतपूर्ण कर्जाको लागि सरोकारवाला क्षेत्रका युवाहरु आर्कषित भएको पाइन्छ । उद्यम गर्ने सोचका साथ अघि बढेको कारण कर्जाको मागमा वृद्धि भएको राष्ट्र बैंकका अधिकारीहरुको भनाइ छ ।
पहिलो महिनामा सहुलियतपूर्ण कर्जा लिनेको संख्या भने एक लाख ११ हजार चार सय ७१ जना रहेको राष्ट्र बैंकले बताएको छ । तीमध्ये व्यावसायिक कृषि तथा पशुपन्छी व्यवसाय ४८ हजार चार सय ९८ जनाले सबैभन्दा धेरै त्यसपछि क्रमशः शिक्षित युवा स्वरोजगार कर्जा एक सय ४५ जनाले, विदेशबाट फर्केका युवा परियोजना कर्जा आठ सय ५९ जनाले, महिला उद्यमशीलता कर्जा ६० हजार तीन सय २२ जनाले, दलित समुदाय व्यवसाय विकास कर्जा एक हजार १५ जनाले, उच्च र प्राविधिक तथा व्यावसायिक शिक्षा कर्जा दुई सय ३३ जनाले, दुई सय ६६ वटा कपडा उद्योगहरुले, सीटीईभीटीबाट अनुमति लिएका संस्थाबाट तालिमका लागि दुई जनाले र युवा स्वरोजगार कर्जा नौ जनाले लिएका छन् ।
राष्ट्र बैंकले सहुलियतपूर्ण कर्जा सहज रुपमा वितरण गर्न बैंक तथा वित्तीय संस्थाहरुलाई निर्देशन गरे पनि त्यसो गरेको पाइँदैन । बैंक तथा वित्तीय संस्थाका अधिकारीहरु सहुलियतपूर्णक कर्जा लिएर उद्यम तथा व्यवसाय गर्न चाहनेहरुले बीचमा नै छोड्ने गरेको अवस्था ठूलो हुँदा कर्जा दिन अलि डराउनुपर्ने अवस्था रहेको बताउँछन् । यता युवाहरु भने सहुलियतपूर्ण कर्जा पहुँच हुनेको लागि मात्र भएको बताउँछन् ।
क्याटेगोरी : समाचार
ताजा अपडेट
- सञ्चारमन्त्री शर्माद्वारा सार्वजनिक सेवा प्रसारणसम्बन्धी विधेयक अघि बढाउन आग्रह
- प्रधानमन्त्रीसँग संयुक्त राष्ट्रसङ्घका सहायक महासचिवको शिष्टाचार भेट
- पंक्षी संरक्षणमा क्रियाशील राजु आचार्य पुरस्कृत
- अप्रिलमा नेपाल भित्रने पर्यटक १२ दशमलव ७५ प्रतिशतले बढे
- कैदीबन्दीको कैद मिनाहा माफीमा कुनै किसिमको विभेद हुनुहुँदैन: गृहमन्त्री लामिछाने
- रेसुङ्गा धार्मिक तथा प्राकृतिक पर्यटनका लागि निकै सम्भावना बोकेको क्षेत्र: प्रधानमन्त्री
- वेस्ट इन्डिज ‘ए’लाई टी–ट्वान्टी शृङ्खलाको उपाधि
- पोखरामा किसान पाठशाला सञ्चालन
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया