सोलुखुम्बु । जिल्लामा किबी उत्पादनमा वृद्धि भएको छ । सोलुखुम्बुमा गत वर्षको तुलनामा यसवर्ष तीन मेट्रिकटनभन्दा बढी किबी उत्पादन भएको हो । गत वर्ष ६५ मेट्रिकटन किबी उत्पादन भएकोमा यसवर्ष बढेर ६८ मेट्रिकटन उत्पादन भएको कृषि ज्ञान केन्द्र सोलुखुम्बुले जनाएको छ ।
कार्यालयका सूचना अधिकारी कुल बहादुर राईका अनुसार गत वर्षको तुलनामा उत्पादन दिने बोटको संख्या बढेसँगै उत्पादनमा पनि वृद्धि भएको हो । अधिकारी राईले भने, ‘जिल्लामा पछिल्लो समय किबीखेती गर्ने किसानहरू बढ्दै छन्, तर रोपेको दुईदेखि तीन वर्षमा मात्रै उत्पादन दिन थाल्ने भएकाले उत्पादन क्षेत्र कम छ, केही वर्षभित्रमा ती सबै बोटले फल दिन थालेपछि उत्पादनमा भारी वृद्धि हुने निश्चित छ ।’
सोलुखुम्बुमा हाल एक सय १५ हेक्टर क्षेत्रफलमा किबी खेती गरिँदै आएको छ । जसमध्ये हाल ११ हेक्टर क्षेत्रफलमा लगाइएको किबीले उत्पादन दिन थालेको ज्ञान केन्द्रका तथ्यांक छ । अघिल्लो वर्ष १० हेक्टर क्षेत्रफलमा लगाइएको किबीले उत्पादन दिएको भए पनि यस वर्ष बढेर ११ हेक्टर जमिनमा लगाइएको किबीले उत्पादन दिएको हो । उत्पादकत्व भने गत वर्षभन्दा केही घटेको केन्द्रका सूचना अधिकारी राईले बताए ।
‘गत वर्ष प्रतिहेक्टर छ दशमलव ५० मेट्रिकटन उत्पादकत्व रहेकोमा यस वर्ष घटेर छ दशमलव १८ मेट्रिकटन पुग्यो । कतिपय पुराना बोटहरूले कम उत्पादन दिने भएकाले उत्पादकत्वमा केही गिरावट आएको हो’, उनले भने । जिल्लाको नेचाबेतघारी, नेचाबतासे, सल्यान, तिङला, गार्मा, साल्मे, सल्लेरी, तामाखानी, बेनी, फाप्लु, टाक्सिन्दु, नेले, काँगेल, मुक्ली, जुबु, देउसा, काँकु, बासा, खरिखोला, बुङ, छेस्काम, गुदेल, सोताङ, चौलाखर्कलगातका क्षेत्रमा किबीखेती हुनेगरेको छ ।
क्याटेगोरी : सहकारी–कृषि
ताजा अपडेट
- इलाम उपनिर्वाचनः फाकफोकथुम–१,२ , ३ र ४ को मतगणना सकियो
- पहिचानसहितको नागरिकता पाउनुपर्ने यौनिक तथा लैङ्गिक अल्पसङ्ख्यक समुदायको माग
- दोहोरो अंकले उक्लियो सेयर बजार
- हिमाञ्चल प्रदेशमा बहादुरसिंहको शालिक अनावरण
- हालसम्म मकवानपुरमा डेङ्गु सङ्क्रमितबाट एक जनाको मृत्यु
- इलाम उपनिर्वाचन: फाकफोकथुम–१ को मतगणना सकियो
- बझाङ उपनिर्वाचन अपडेट: चार सय मत गणना
- कामपाका सामुदायिक विद्यालय प्रविधिमैत्री बन्दै
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया