अवैध ५० लाख प्रकरणमा मुछिएका पोखरेललाई क्लिन चिट दिने राजस्वको तयारी
विराटनगर । गत पुस महिनाको अन्तिम सातामा सौर्य एयरलाइन्सबाट फेला परेको अवैध ५० लाख रकम आफ्नो भएको दाबी गरेका सौर्य एयरलाइन्सका सञ्चालक एवं सुपारीका कारोबारी दिपक पोखरेललाई राजस्व अनुसन्धान विभागले कुनै अनुसन्धान नै नगरी क्लिन चिट दिने तयारी गरेको छ ।
कुनै पनि एयरलाइन्सले छ महिनासम्ममा पनि हवाइ टिकट बिक्रीबाट काउन्टरमा ५० लाख जम्मा गर्न नसक्ने भन्दै अन्य एयरलाइन्स सञ्चालकले दाबी गरिरहेको अवस्थामा सौर्य एयरलाइन्सका सञ्चालक एवं सुपारीका कारोबारी पोखरेललाई राजस्व अनुसन्धान विभागले आर्थिक चलखेल गरी उन्मुक्ति दिने तयारी गरेको हो । अहिले अत्यधिक मात्रामा अनलाइन टिकट बुकिङ हुने गरेको हुँदा उक्त अनलाइन बुकिङअनुसारको रकम भुक्तानी सोझै एयरलाइन्सको बैंक खातामा जम्मा हुने भएकाले राजस्व अनुसन्धानमा सौर्य एयरलाइन्सले दाबी गरेअनुसारको रकम जम्मा हुन छ महिनादेखि १० महिनासम्म लाग्ने दाबी एयरलाइन्सका सञ्चालकले गर्दै आएका छन् । उनीहरुले पोखरेललाई राजस्व अनुसन्धान विभागले उन्मुक्ति दिनु सेटिङ्ग र चलखेल नै भएको दाबी गरे ।
अवैध रकमलाई वैध बनाउन एयरलाइन्सको सहारा लिएर राजस्व अनुसन्धानको सेटिङ्गमै पोखरेलले पत्र लेखेरै उक्त पैसा आफ्नो भएको दाबी गरेको स्रोतको भनाइ छ । पोखरेललाई सफाइ दिन राजस्व अनुसन्धान विभागका महानिर्देशकदेखि केही कर्मचारी सक्रिय भएर लागेका छन् । जसले गर्दा पछिल्लो समय उक्त प्रकरण फेरि एक पटक विवादमा आएको छ ।
अवैध कारोबारमा संलग्न सौर्य एयरलाइन्स र सञ्चालक दिपक पोखरेललाई कारबाही प्रक्रिया अगाडि बढाउनुको साटो अहिले देउवा सरकार र राजस्व अनुसन्धान विभाग आफैँ सुपारी कारोबारी दिपक पोखरेलाई नै उन्मुक्ति दिने योजना बनाउन लागेको स्थानीयको आरोप छ । उक्त ५० लाख प्रकरणमा बयानका लागि विभागले विराटनगरका सुपारी कारोबारी एवं सौर्य एयरलाइन्सका अर्का सञ्चालक दिनेश राठीलाई समेत बोलाएर बयान लिएको थियो । राठीलाई समेत बयान लिएको विभागले एक महिना पछाडि एक्कासि आएर पोखरेललाई क्लिन चिट दिने तयारी थालेको बाहिरिएपछि विभाग समेत विवादमा मुछिएको छ ।
क्याटेगोरी : समाचार
ताजा अपडेट
- जसपा नेपालले कानुनी उपचार खोज्ने
- जुम्लामा भीरबाट लडेर ७० भेडा मरे
- सहकारीले बैङ्कभन्दा ठूलो कारोबार गर्दा समस्या आयो : मन्त्री अधिकारी
- बैंकभन्दा ठूलो कारोबार गर्दा सहकारीमा समस्या आयो : मन्त्री अधिकारी
- चिनीको मूल्यमा स्थिरता कायम गर्न मन्त्री भण्डारीसमक्ष रास्वपाको माग
- प्रा. पोखरेल त्रिवि पत्रकारिता विभागको प्रमुखमा
- दुई दशमलव शुन्य छ अंकले उक्लियो सेयर बजार
- जतिसक्दो चाँडो सञ्चारसम्बन्धी ऐन ल्याउने तयारीमा सरकार: सञ्चारमन्त्री
धेरैले पढेको
- प्राधिकरणका एमडी कुलमानको अकुत सम्पत्ति लुकाउन सम्पूर्ण परिवार नै संलग्न
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया