बुटवल । स्थानीय तहहरू आगामी आर्थिक वर्ष २०७९/८० बजेट निर्माणको तयारीमा लागेका छन् । संवैधानिक व्यवस्थाअनुसार स्थानीय तहहरूले असार १० गतेभित्र बजेट ल्याइसक्नु पर्दछ । सोही व्यवस्थाअनुरूप निर्धारित समयमै बजेट विनियोजनका लागि स्थानीय तहहरू जुटेका हुन् ।
वाणगंगा नगरपालिका कपिलवस्तुका प्रमुख प्रशासकीय अधिकृत टेकराज पन्थीका अनुसार नगरपालिका आर्थिक वर्ष २०७९/८० को बजेटको लागि आवश्यक गृहकार्य गर्दै अगाडि बढेको बताए । उनले सर्वदलीय, सर्वपक्षीयरूपमा सरोकारवालाहरूसँगको सहकार्य समन्वयमा बजेट र नीति तथा कार्यक्रम बनाउन लागेको जानकारी दिए ।
तिनाउ गाउँपालिका पाल्पाका प्रमुख प्रशासकीय अधिकृत सुन्दर प्रसाद श्रेष्ठका अनुसार तिनाउ गाउँपालिका पनि आगामी आर्थिक वर्षको बजेट विनियोजनका लागि तयारी गरिरहेको छ । तोकिएको समयभित्रै बजेट विनियोजन गर्ने तयारीमा जुटेको उनले बताए । ९ गते नीति तथा कार्यक्रम ल्याउने योजना रहेको उनले जानकारी दिए ।
त्यसैगरी रिब्दीकोट गाउँपालिका पाल्पा पनि बजेटको तयारीमा लागेको गाउँपालिकाका प्रमुख प्रशासकीय अधिकृत पवन अर्यालले जानकारी गराए । अर्यालले दुई/तीन चरणमा सरोकारवालाहरूसँग छलफल गरेको र अब एकल महिला, विदेशबाट फर्केका युवाहरूसँग पनि छलफल अगाडि बढाउने उनले जानकारी दिए । खुलारूपमा सूचना प्रवाह गरी सुझाव संकलन गरिरहेको उनको भनाइ छ । समयमै जनमैत्री नीति तथा कार्यक्रम र बजेट ल्याउने गरी तयारी गरिरहेको बताए ।
रैनादेवी छहरा गाउँपालिका पाल्पाका प्रमुख प्रशासकीय अधिकृत राजीव पन्थीले अगामी आर्थिक वर्षका लागि वडास्तरबाटै बजेट र नीति तथा कार्यक्रमका लागि आवश्यकरूपमा छलफलहरू गर्दै अगाडि बढेको बताए । पन्थीले सर्वदलीयरूपमा छलफल गरेर आवश्यकताका आधारमा चौतर्फी क्षेत्रहरूलाई समेट्दै अगाडि बढ्ने योजना रहेको बताए ।
गुल्मी दरबार गाउँपालिका गुल्मीका प्रमुख प्रशासकीय अधिकृत लक्ष्मण पाण्डेले अगामी आर्थिक वर्षको बजेटका लागि राय तथा सुझाव संकलन गर्ने कार्यलाई तीव्ररूपमा अगाडि बढाएको बताए । उनले कृषि, पशुपालन, स्वास्थ्य, शिक्षालगायतका क्षेत्रहरूलाई प्राथमिकताको केन्द्रमा राखेर बजेट ल्याउने तयारी गरेको बताए । चालू आर्थिक वर्षमा चालूतर्फ ६० प्रतिशत र पुँजीगततर्फ ४० प्रतिशत वित्तीय प्रगति भएको बताउँदै पाण्डेले ८० प्रतिशतभन्दा धेरै भौतिक प्रगति भएको बताए ।
छत्रकोट गाउँपालिका गुल्मीकै प्रमुख प्रशासकीय अधिकृत कृष्ण प्रसाद पन्थीले जनतालाई स्थानीय सरकारको अनुभूति दिलाउने गरी आगामी आर्थिक वर्षको बजेट ल्याउने तयारीमा दिनरात मिहिनेत गरेर लागेको बताए ।
क्याटेगोरी : समाचार
ताजा अपडेट
- जसपा नेपालले कानुनी उपचार खोज्ने
- जुम्लामा भीरबाट लडेर ७० भेडा मरे
- सहकारीले बैङ्कभन्दा ठूलो कारोबार गर्दा समस्या आयो : मन्त्री अधिकारी
- बैंकभन्दा ठूलो कारोबार गर्दा सहकारीमा समस्या आयो : मन्त्री अधिकारी
- चिनीको मूल्यमा स्थिरता कायम गर्न मन्त्री भण्डारीसमक्ष रास्वपाको माग
- प्रा. पोखरेल त्रिवि पत्रकारिता विभागको प्रमुखमा
- दुई दशमलव शुन्य छ अंकले उक्लियो सेयर बजार
- जतिसक्दो चाँडो सञ्चारसम्बन्धी ऐन ल्याउने तयारीमा सरकार: सञ्चारमन्त्री
धेरैले पढेको
- प्राधिकरणका एमडी कुलमानको अकुत सम्पत्ति लुकाउन सम्पूर्ण परिवार नै संलग्न
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया