अमेरिकी सभामुख ताइवान पुग्दा चीनले ग-यो व्यापारमा कडाइ
ताइपेई । चीनले ताइवानसँगको केही व्यापार निलम्बन गरेको छ । अमेरिकी तल्लो सदनकी सभामुख न्यान्सी पेलोसीले ताइवानको भ्रमण गरेपछि चीन रुष्ट बनेको हो ।
ताइवान आफ्नो भूमि भएको दाबी गर्दै चीनले वर्षौँदेखि विश्वलाई कूटनीतिक सम्बन्ध गाँस्न समेत दिएको छैन । तर ताइवानले भने आफू स्वतन्त्र राष्ट्र भएको दाबी गर्दै चीनको भूमि नरहेको बताउँदै आएको छ । यस्तोमा पछिल्ला केही वर्षयता अमेरिकाले भने ताइवानसँग छुट्टै सम्बन्ध स्थापना गर्दै स्वतन्त्रताको पक्षमा हुने गरी द्विपक्षीय सहयोग, भ्रमण लगायत गर्दै आएको छ ।
मंगलबार सभामुख ताइपेईमा झर्नेबित्तिकै चीनले केही फलफूल र माछाजन्य ताइवानी उत्पादन चीनमा आयातमा प्रतिबन्ध लगाएको हो । त्यस्तै चीनबाट ताइवानमा हुने प्राकृतिक बालुवाको निर्यातमा पनि कडाइ गरिएको छ । चीन ताइवानको ठूलो व्यापार साझेदार हो । गत वर्ष यी दुई देशबीच दुई खर्ब ७३ अर्ब अमेरिकी डलरको व्यापार भएको थियो । जुन ताइवानको कुलमध्ये ३३ प्रतिशत हो । बाँकी भने अन्य विभिन्न देशसँग हुँदै आएको ताइवानी सरकारले जनाएको छ ।
अमेरिकी सभामुख ताइवान जाने हालसम्मकै उच्चपदस्थ व्यक्तित्व हुन् । उनलाई ताइवान नजान चीनले सार्वजनिक रुपमै अपिल गरेको थियो । यसले चीन–अमेरिका सम्बन्धमा नै असर गर्ने चीनको चेतावनी थियो । तर त्यसलाई चिर्दै पेलोसी मलेसिया हुँदै ताइवान पुगेकी हुन् । योसँगै दुईबीच सैन्य संकट गहिरिने विश्लेषण गरिएको छ । ताइवानको जनसंख्या दुई करोड ४० लाख छ । विभिन्न वस्तुहरुमा प्रयोग हुने सेमिकन्डक्टर चिप्सको आपूर्तिमा ताइवान सबैभन्दा ठूलो निर्यातकर्ता हो । इलेक्ट्रोनिक्स, कार, रेफ्रिजेरेटर, मोबाइलहरुमा यस्ता चिपहरु प्रयोग हुन्छन् ।
क्याटेगोरी : विश्व बजार
ताजा अपडेट
- विकासका उपलब्धि जोगाउन सार्थक सहयोगका लागि उपप्रमको जोड
- उपनिर्वाचनः इलाम–२ मा १६ जना उम्मेदवारको जमानत जफत
- लुम्बिनी, मधेस, सुदूरपश्चिम र कोशी प्रदेशमा हुरीबतासको चेतावनी
- ‘नेपालको स्वास्थ्य सेवा प्रणालीमा सुधार भएको छ’
- इलाम – २ मा नेकपा (एमाले)का नेम्वाङ विजयी
- पर्यटन क्षेत्रका नीतिगत व्यवस्थालाई सुधार गरी लगानीमैत्री बनाउछौं: मन्त्री तामाङ
- महोत्तरीमा दिनहुँजसो आगलागी
- शुन्य दशमलव शुन्य सात अंकले उक्लियो सेयर बजार
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया