मार्जिन लोनमा नेप्सेको ओरालो यात्राको असर
एकै वर्षमा ३१ अर्ब ७० करोड रुपैयाँले घट्यो सेयर धितो कर्जा
काठमाडौं । सेयर बजार परिसूचक (नेप्से) लगातार ओरालो लागेपछि यसको नकारात्मक असर सेयर धितो अर्थात् मार्जिन लेण्डिङ कर्जामा परेको छ । नेपाल राष्ट्र बैंकका अनुसार सेयरबजार ओरालो लागेकै कारण मार्जिन लेण्डिङ कर्जा पछिल्लो समय घट्नथालेको हो ।
राष्ट्र बैंकका अनुसार २०७८ साउन मसान्तमा नेप्से सूचकांक ३१ सय ६० दशमलव एक अंकमा रहेको थियो । नेप्से उक्त विन्दुमा कायम रहँदा बैंक तथा फाइनान्स कम्पनीहरुले सेयर धितो शीर्षकमा नै एक खर्ब आठ अर्ब ५१ करोड २० लाख रुपैयाँ कर्जा प्रवाह गरेका थिए । उक्त अवधिमा वाणिज्य बैंकहरुले मात्र सेयर धितो कर्जा शीर्षकमा ९२ अर्ब आठ करोड ५० लाख रुपैयाँ कर्जा प्रवाह गरेका थिए भने विकास बैंक र फाइनान्स कम्पनीहरुले पनि सोही शीर्षकमा क्रमशः १३ अर्ब २४ करोड ३० लाख र तीन अर्ब १८ करोड ४० लाख रुपैयाँ कर्जा प्रवाह गरेका थिए ।
तर २०७९ साउन मसान्तमा नेप्से सूचकांक दुई हजार ४१ दशमलव एक अंकमा खुम्चिन पुगेको छ । जसले गर्दा सेयर धितो कर्जा पनि २०७८ साउन मसान्तको तुलनामा २०७९ साउन मसान्तमा ३१ अर्ब ७० करोड ९० लाख रुपैयाँले घटेको छ । सो अनुसार सञ्चालनमा रहेका २६ वटा वाणिज्य बैंक, क्षेत्रीय तथा राष्ट्रियस्तरका समेत गरी १७ वटा विकास बैंक र १७ वटा फाइनान्ससहितका ६० वटा बैंक तथा फाइनान्स कम्पनीहरुले सेयर धितो शीर्षकमा कुल ७६ अर्ब ८० करोड ३० लाख रुपैयाँ कर्जा प्रवाह गरेका छन् ।
राष्ट्र बैंकका अनुसार २०७९ साउन मसान्तमा सेयर धितो कर्जा २०७८ साउन मसान्तको तुलनामा वाणिज्य बैंकहरुमा ३० अर्ब ५२ करोड १० लाख रुपैयाँले घटेको छ भने विकास बैंकहरुमा एक अर्ब ८१ करोड ८० लाख रुपैयाँले घटेको छ । फाइनान्स कम्पनीहरुमा भने सेयर धितो कर्जा २०७८ साउन मसान्तको तुलनामा २०७९ साउन मसान्तमा छ करोड ३० लाख रुपैयाँले बढेको छ ।
सो अनुसार २०७९ साउन मसान्तमा वाणिज्य बैंकहरुले ६१ अर्ब ५६ करोड ४० लाख रुपैयाँ कर्जा प्रवाह गरेका छन् भने विकास बैंकहरुले ११ अर्ब ४२ करोड ५० लाख रुपैयाँ कर्जा प्रवाह गरेका छन् । यस अवधिमा फाइनान्स कम्पनीहरुले भने सेयर धितो शीर्षकमा तीन अर्ब ८१ करोड ४० लाख रुपैयाँ कर्जा प्रवाह गरेका छन् ।
क्याटेगोरी : समाचार
ताजा अपडेट
- सञ्चारमन्त्री शर्माद्वारा सार्वजनिक सेवा प्रसारणसम्बन्धी विधेयक अघि बढाउन आग्रह
- प्रधानमन्त्रीसँग संयुक्त राष्ट्रसङ्घका सहायक महासचिवको शिष्टाचार भेट
- पंक्षी संरक्षणमा क्रियाशील राजु आचार्य पुरस्कृत
- अप्रिलमा नेपाल भित्रने पर्यटक १२ दशमलव ७५ प्रतिशतले बढे
- कैदीबन्दीको कैद मिनाहा माफीमा कुनै किसिमको विभेद हुनुहुँदैन: गृहमन्त्री लामिछाने
- रेसुङ्गा धार्मिक तथा प्राकृतिक पर्यटनका लागि निकै सम्भावना बोकेको क्षेत्र: प्रधानमन्त्री
- वेस्ट इन्डिज ‘ए’लाई टी–ट्वान्टी शृङ्खलाको उपाधि
- पोखरामा किसान पाठशाला सञ्चालन
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया