काठमाडौं । दर्ता नैं नभएको सहकारी संस्थाको नाउँ लिएर रकम ठगी गर्ने व्यक्तिलाई प्रहरीले पक्राउ गरेको छ । काठमाडौ उपत्यका अपराध अनुसन्धान कार्यालय मिनभवनका सुचना अधिकारी प्रहरी उपरीक्षक कृष्ण प्रसाद कोईरालाका अनुसार ठगी कार्यमा संलग्न भएको आरोपमा ललितपुर जिल्लाको महालक्ष्मी नगरपालिका इमाडोल बस्ने ५६ बर्षिय मणी कुमार थापालाई पक्राउ गरिएको हो ।
प्रहरी उपरीक्षक कोईरालाका अनुसार अछामको चौरपाटी गाउँपालिका वडा नं ४ घर भई हाल ललितपुरको कुशुन्ती बस्ने नरेन्द्र कुमार भुललाई ललितपुरको महालक्ष्मी न.पा इमाडोल बस्ने थापाले आफु काठमाडौको चण्डोलस्थित चण्डोल बहुउदेश्यीय सहकारी संस्थाको सञ्चालक हुं, उक्त सहकारी संंस्थाबाट ३० लाख रुपैंयाँ ऋण मिलाई दिन्छु भनि सहकारी संस्थाको खाता खोल्ने फारम, सदस्य पहिचान फारम, शेयर दरखास्त फारम समेत भर्न लगाई बिश्वासमा पारेको अनुसन्धानबाट खुलेको थियो । सो पश्चात थापा उक्त ऋण रकमको १० प्रतिशतको दरले हुन आउने तीन लाख रुपैंयाँ र सेवा शुल्क बापत १२ हजार रुपैंयाँ समेत गरी तीन लाख १२ हजार रुपैंयाँ रकम लिई ऋण नदिलाई, झुक्याई ठगी गरी सम्पर्क बिहिन भएका थिए ।
यसरी ठगिएको जाहेरी काठमाडौं उपत्यका अपराध अनुसन्धान कार्यालयमा आएको र सोही जाहेरीको आधारमा अनुसन्धान गर्दा उक्त सहकारी संस्था दर्ता नरहेको पाईएको थियो । सो पश्चात प्रतिवादी थापाको नाउँमा काठमाडौं जिल्ला अदालतबाट पक्राउ अनुमती प्राप्त भएपश्चात यही असोज ३१ गते थापालाई ललितपुरको महालक्ष्मी न.पाको इमाडोलबाट पक्राउ गरिएको प्रहरी उपरीक्षक कोईरालाको भनाई छ । पक्राउ परेका थप कारवाहीको लागि जिल्ला प्रहरी परिसर टेकु पठाईएको जानकारी पनि उनले दिए ।
क्याटेगोरी : समाचार
ताजा अपडेट
- सञ्चारमन्त्री शर्माद्वारा सार्वजनिक सेवा प्रसारणसम्बन्धी विधेयक अघि बढाउन आग्रह
- प्रधानमन्त्रीसँग संयुक्त राष्ट्रसङ्घका सहायक महासचिवको शिष्टाचार भेट
- पंक्षी संरक्षणमा क्रियाशील राजु आचार्य पुरस्कृत
- अप्रिलमा नेपाल भित्रने पर्यटक १२ दशमलव ७५ प्रतिशतले बढे
- कैदीबन्दीको कैद मिनाहा माफीमा कुनै किसिमको विभेद हुनुहुँदैन: गृहमन्त्री लामिछाने
- रेसुङ्गा धार्मिक तथा प्राकृतिक पर्यटनका लागि निकै सम्भावना बोकेको क्षेत्र: प्रधानमन्त्री
- वेस्ट इन्डिज ‘ए’लाई टी–ट्वान्टी शृङ्खलाको उपाधि
- पोखरामा किसान पाठशाला सञ्चालन
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया