सुनचाँदी धितोमा बैंकहरूले दिए ५० अर्ब ६० करोड रुपैयाँ ऋण
काठमाडौं । नेपाल राष्ट्र बैंकले अनुत्पादक क्षेत्रमा कर्जा कटौती गर्ने रणनीति अघि सारे पनि बैंक तथा फाइनान्स कम्पनीहरुले भने अनुत्पादक क्षेत्रमा कर्जा कटौती गर्न सकेका छैनन् । अनुत्पादक कर्जा मानिने र सुनचाँदी धितो शीर्षकमा नै बैंक तथा फाइनान्स कम्पनीहरुले आधा खर्ब रुपैयाँभन्दा बढी कर्जा प्रवाह गर्नुले पनि अनुत्पादक क्षेत्रमा कर्जा बढेको देखिएको हो ।
बैंक तथा फाइनान्स कम्पनीहरुको कर्जा प्रवाहसम्बन्धी नेपाल राष्ट्र बैंकको विस्तृत प्रतिवेदनअनुसार चालू आर्थिक वर्षको कात्तिक मसान्तसम्ममा मात्र २६ वटा वाणिज्य बैंक, क्षेत्रीय तथा राष्ट्रियस्तरका समेत गरी १७ वटा विकास बैंक र १७ वटा फाइनान्स कम्पनीसहितका ६० वटा संस्थाहरुले सुनचाँदी धितोमा मात्र कुल ५० अर्ब ६० करोड ३० लाख रुपैयाँ कर्जा प्रवाह गरेका छन् । यस अवधिमा बैंक तथा फाइनान्स कम्पनीहरुको कुल निक्षेप तथा कर्जा रकम भने क्रमशः ५१ खर्ब ८२ अर्ब ५४ करोड ८० लाख तथा ४७ खर्ब ८३ अर्ब ४२ करोड ७० लाख रुपैयाँ रहेको छ ।
राष्ट्र बैंकका अनुसार वाणिज्य बैंकहरुले मात्र भने चालू आवको कात्तिक मसान्तसम्ममा सुनचाँदी धितो शीर्षकमा मात्र ४५ अर्ब ४९ करोड २० लाख रुपैयाँ कर्जा प्रवाह गरेका छन् । यस अवधिमा वाणिज्य बैंकहरुले ४५ खर्ब ५९ अर्ब ९० लाख रुपैयाँ निक्षेप संकलन गरी ४२ खर्ब ३३ अर्ब ३२ करोड ७० लाख रुपैयाँ कर्जा प्रवाह गरेका छन् ।
विकास बैंकहरुले भने सुनचाँदी धितो शीर्षकमा कुल चार अर्ब ११ करोड ८० लाख रुपैयाँ कर्जा प्रवाह गरेका छन् । चालू आवको कात्तिक मसान्तसम्ममा विकास बैंकहरुको कुल निक्षेप तथा कर्जा रकम भने क्रमशः पाँच खर्ब १८ अर्ब ३६ करोड ८० लाख र चार खर्ब ५८ अर्ब पाँच लाख ७० हजार रुपैयाँ रहेको छ ।
राष्ट्र बैंकका अनुसार फाइनान्स कम्पनीहरुले भने चालू आवको कात्तिक मसान्तसम्ममा सुनचाँदी धितो शीर्षकमा ९९ करोड ३० लाख रुपैयाँ कर्जा प्रवाह गरेका छन् । यस अवधिमा फाइनान्स कम्पनीहरुको कुल निक्षेप तथा कर्जा रकम भने क्रमशः एक खर्ब पाँच अर्ब १७ करोड १० लाख र ९२ अर्ब चार करोड ३० लाख रुपैयाँ रहेको छ ।
क्याटेगोरी : समाचार
ताजा अपडेट
- सञ्चारमन्त्री शर्माद्वारा सार्वजनिक सेवा प्रसारणसम्बन्धी विधेयक अघि बढाउन आग्रह
- प्रधानमन्त्रीसँग संयुक्त राष्ट्रसङ्घका सहायक महासचिवको शिष्टाचार भेट
- पंक्षी संरक्षणमा क्रियाशील राजु आचार्य पुरस्कृत
- अप्रिलमा नेपाल भित्रने पर्यटक १२ दशमलव ७५ प्रतिशतले बढे
- कैदीबन्दीको कैद मिनाहा माफीमा कुनै किसिमको विभेद हुनुहुँदैन: गृहमन्त्री लामिछाने
- रेसुङ्गा धार्मिक तथा प्राकृतिक पर्यटनका लागि निकै सम्भावना बोकेको क्षेत्र: प्रधानमन्त्री
- वेस्ट इन्डिज ‘ए’लाई टी–ट्वान्टी शृङ्खलाको उपाधि
- पोखरामा किसान पाठशाला सञ्चालन
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया