विराटनगर । पूर्वी क्षेत्रका उद्योगीहरूले गहुँको आयात खोल्ने वातावरण बनाउन सरकारसँग माग गरेका छन् । गत आर्थिक वर्षको जेठ महिनादेखि नेपाली खाद्य उद्योगहरूले आयात गर्दै आएको गहुँमा भारत सरकारले निर्यात प्रतिबन्ध लगाएको थियो । त्यसयता सुनसरी मोरङ औद्योगिक करिडोरमा सञ्चालनमा रहेका फलोर मिलहरू सङ्कटमा परेका छन् ।
अघिल्लो शेरबहादुुर देउवा नेतृत्वको सरकारले जिटुजीमार्फत करिब ५० हजार मेट्रिक टन गहुुँ आयात गर्ने सहमति भएपछि केही समयका लागि उद्योग चल्ने अवस्था भएकोमा सरकार परिवर्तनसँगै भारतसँगको उक्त सम्झौता अन्योलमा परेको छ । उक्त सम्झौतालाई निरन्तरता दिन समेत करिडोरका उद्योगीहरूले माग गरेका छन् । भारत सरकारले भारतमा उत्पादन हुने गहुँको निर्यातमा एक्कासि प्रतिबन्ध लगाएपछि विश्वव्यापीरूपमा नै गहुँको मूल्य ह्वात्तै बढेको यहाँका उद्योगीको भनाइ छ । गहुँको मूल्यवृद्धिले नेपालमा सञ्चालन हुँदै आएका बिस्कुट, पाउरोटी, चाउचाउलगायतका उद्योगले आफ्नो उत्पादनमा कटौती गरेका छन् । उद्योगहरूले आफ्नो उद्योग सञ्चालनका लागि आवश्यक पर्ने मैदाको आयात भारतबाटै गर्दै आएका थिए । भारतले गहुँ निर्यातमा प्रतिबन्ध लगाएको असर नेपाली उद्योगहरूमा परेको थियो । यसरी भारतले निर्यात रोकेको र गहुँको मूल्य एक्कासि बढेपछि उद्योग नै बन्द गर्ने अवस्था आएका कारण तात्कालीन देउवा सरकारले भारतसँग जिटुजीमार्फत ५० हजार मे. टन गहुुँ आयात गर्ने सहमति गरेको थियो । हाल उक्त प्रस्ताव उद्योग वाणिज्य तथा आपूर्ति मन्त्रालयमा नै थन्किएको भन्दै चाँडोभन्दा चाँडो गहुुँ आयात गर्न करिडोरका उद्योगीहरूले सरकारसँग माग गरेका छन् ।
नेपालमा गहुँको पिठो र मैदा उत्पादन गर्दै आएका उद्योगीले गहुँको अभाव देखाउँदै मनपरी मूल्य कायम गर्न थालेपछि बिस्कुट, चाउचाउ तथा पाउरोटी उद्योगहरूले उत्पादन नै कटौती गरेको जानकारी दिएका छन् । भारत सरकारको गहुँ निर्यातमा प्रतिबन्ध र नेपालमा गहुँको मूल्यमा एक्कासि उच्च वृद्धि आएपछि उद्योग सञ्चालन गर्न नसक्ने अवस्थामा पुगेका यहाँका चाउचाउ उद्योग सञ्चालन गर्दै आएका एक उद्योगीले जानकारी दिए । उद्योगले आफ्नो उत्पादन कटौती गरेसँगै उद्योगमा कार्यरत मजदुरलाई समेत पाल्न नसक्ने अवस्था आएको छ । सुनसरी मोरङ औद्योगिक करिडोर मात्रै नभएर पूरै देशमा सञ्चालन रहेका चाउचाउ उद्योगका लागि गहुँको आयात भारतमाथि नै निर्भर रहेको छ । अहिले विश्वबजारमा नै गहुँको मूल्य ६० प्रतिशतभन्दा बढीले उकालो लागेको अवस्था रहेको बताइएको छ ।
क्याटेगोरी : समाचार
ताजा अपडेट
- सञ्चारमन्त्री शर्माद्वारा सार्वजनिक सेवा प्रसारणसम्बन्धी विधेयक अघि बढाउन आग्रह
- प्रधानमन्त्रीसँग संयुक्त राष्ट्रसङ्घका सहायक महासचिवको शिष्टाचार भेट
- पंक्षी संरक्षणमा क्रियाशील राजु आचार्य पुरस्कृत
- अप्रिलमा नेपाल भित्रने पर्यटक १२ दशमलव ७५ प्रतिशतले बढे
- कैदीबन्दीको कैद मिनाहा माफीमा कुनै किसिमको विभेद हुनुहुँदैन: गृहमन्त्री लामिछाने
- रेसुङ्गा धार्मिक तथा प्राकृतिक पर्यटनका लागि निकै सम्भावना बोकेको क्षेत्र: प्रधानमन्त्री
- वेस्ट इन्डिज ‘ए’लाई टी–ट्वान्टी शृङ्खलाको उपाधि
- पोखरामा किसान पाठशाला सञ्चालन
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया